Tekang Kbuten 31:41 - Udél Dwata: Gna Kesfasad ne Lomi Kesfasad

⁴¹ Yó se yóm kdê deng glanu béléem lem yóm lewu folò halay knóu béléem. Botong sfolò fat halayu kegenu mò nmò béléem anì gyehenu yó kem lewu ngaem libun, ne bud nem halayu he na bud mò nmò béléem mò semgyok yó kem ógófem. Lelen yó he, botong sfolò dulékem tendo temles du yóm kmò ksukéyem dou.

Tekang Kbuten 31:41 Iomraidhean Croise

Tekang Kbuten 27:44

Nam na hlun nô ditu béléen efet lembó kebuten kóm yóm twoguhem

Tekang Kbuten 29:15

Yó mon Laban mò ke Jakub, “Balù yóm kngau kóm, là móyóe du ke laen dù sukéyem bè yóm kmoem nmò béléu. Tulónem dou ke tedu nóyóem mò sukéyu kóm.”

Tekang Kbuten 31:38

Deng lewu folò halayu nô béléem. Yó kem ubihahem ne yó kem kambingem balù sulék ke deng wen gónó le tô là mngà. Ne balù sulék ke denge tmétê bè yó kem ubiha logihem.

Tekang Kbuten 31:40

Dê duléku ne gmumfak du yóm tey ékét nóng kdaw ne yóm tey ketnawen ke kifu, là kóen gel mdengen ktungóu.

Tekang Kbuten 31:6

Tódô tngón ye se yóm khotuhu gelu mò nmò bè mà ye.

Tekang Kbuten 31:7

Ewenem yó, mom snukaten ou ne botong sfolò duléken tendo temles yóm kmò ksukéyen dou. Okóm là hlus Dwata du béléen ke hensideken ou.

Tekang Kbuten 32:4

Yó hlauhen kul, monen, “Ni hol tulón ye yóm gónóhu mogot Iso, mon ye, ‘Yó gónón là géhél gulék Jakub yóm tau tóbóng lówóhem abay se tódô nô bè mà dì ye Laban. Ne ni se yóm bang kuléken.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

2 Kurin 11:26

Bè yóm gel kógówu, deng gfau se mifal du yóm tey dunuk él. Deng gfau se tau hmamfas. Ne tey deng dê gfau bè yó kem hmohon do, wen se bélê le dumuhu tau Ju, wen se là Ju du. Deng wen se gfau bè yó kem syudad, ne deng wen se gfau gu lem yóm benwu là hyu menwu du, ne deng wen se gfau gu te mohin, ne deng wen se gfau bè yó kem tau hlingón tau hemtahu.