Tekang Kbuten 31:37 - Udél Dwata: Gna Kesfasad ne Lomi Kesfasad

³⁷ Ne ni, bè yóm deng ksisifem mebel du bè kdê yó kem kimuhu, kimu du se tonem? Hlasaem bè ni sen anì ton yó kem tau te. Hkukumem kul mahi du bélê te tahu.

Tekang Kbuten 31:37 Iomraidhean Croise

Tekang Kbuten 31:32

Okóm bè yóm dwata lennged nô lem gónóem, ke wen se tau gónóm mton du bè ni, tódô hnatay kmò du. Hol hnebelem yóm kóm, ne ke tonem, tódô nwahem. Ne ni kem tau te mung kut ni mò fen temksì du.” Là kô tngón Jakub du yóm fen knagaw Rakél du yó kem dwata lennged maen.

Tekang Kbuten 31:36

Ngangen efet mom kinì kulu Jakub, yó udélen, monen, “Salà du de yóm deng nmou béléem? Udin du de yóm deng nuléhu mò gónóm kemtes dou?

Tekang Kbuten 31:38

Deng lewu folò halayu nô béléem. Yó kem ubihahem ne yó kem kambingem balù sulék ke deng wen gónó le tô là mngà. Ne balù sulék ke denge tmétê bè yó kem ubiha logihem.

Matyu 18:16

Okóm ke là hnungolen kóm, miti sotu duhen ke lewu tau mò dumuhem bè yóm bud kógówem ebéléen anì gloloem yóm deng monen bè Sulat Dwata, yóm monen, ‘Ke wen gónóm tmifù dumum tau, hyu ke wen lewu duhen ke tlu tau mò fen hmungol du yóm monem.’

1 Tisalunika 2:10

Deng ton ye se kuy, ne deng ton Dwata snéen kun yóm klaen dù belenen yóm gel kmò me bè yóm tehe knô me bélê ye ekni. Hono tedeng. Balù udì ke wen gónó ye gemsanil kum.

Hibru 13:18

Hol gel utóm ye mi bè Dwata. Tódô tngón Dwata se ke deng wen blóng me ebéléen. Tey gel kesgalu me du anì laen dù tlek belenen yóm gel nmò me.

Juswa 7:23

Gotu nwit le lu ebè Juswa ne bè kdê yó kem tau Israél yó kem kimu yó ne hlasà le lu bè yó bè solu Dwata.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

1 Pitér 3:16

Okóm hol hen-ganag ye nawa ye malà kul mung du yóm kadat ye kul. Hol gel ten-gama ye anì laen dù sidek gmò ye. Baluen ke wen tau semdekà kuy bè yóm klolò ye ke Krays, ke laen dù sidek tonen bélê ye, bud mulék myak yóm tau semdekà yó.