Tekang Kbuten 31:35 - Udél Dwata: Gna Kesfasad ne Lomi Kesfasad

³⁵ Ne yó mon Rakél mò ke maen, “Ó Mà, hol béem abay lenbut ou, là gbeku du mdà bè soluhem abay se tolo wen hen-gifatu.” Yó gónóm mon, là kô dog ton Laban du yó kem dwata lennged hnebelen.

Tekang Kbuten 31:35 Iomraidhean Croise

Tekang Kbuten 31:19

Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Tekang Kbuten 31:34

Blaem yóm dwata lennged yó, deng sana bnos Rakél lem yóm sning nô bè syà kamélen ne yó nmoen, myón tahen. Tódô gotu snisif hnebel Laban gu lem tolda Rakél okóm là kô tonen du.

Tekang Kbuten 31:36

Ngangen efet mom kinì kulu Jakub, yó udélen, monen, “Salà du de yóm deng nmou béléem? Udin du de yóm deng nuléhu mò gónóm kemtes dou?

1 Bok Kem Tau Hol Geta 2:19

Tahu se, mógów ebè Selumun Batsiba bè yóm tau hol geta nan e tulón du yóm nóyô Adunadya. Bè yóm kton tau hol geta ke yéen, tódô hebkó mdà bè yóm gónón myón kmamal anì senlongen, ominen hegdufok ebè seel bè soluhen botong kadaten du. Ominen bud semfulék ebè yóm gónón myón kmamal, ne hwa sotu bangkù, ne hyónen yéen bè yó bè kwananen.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Hlolò 19:32

Hol nadat ye yó kem tuha bélê ye. Hol nimón ye o mlan bè yóm klikò ye dou. Ou se yóm hol gónó mogot.

Ifisus 6:1

Ó kem ngà, lemwót bè yóm deng kehtahu ye, hol gel nimón ye kem tuha ye, yakà ni du se yóm hol hyu bélê ye.

1 Pitér 2:18

Ni udélu ebélê ye, yu kem tau gel mò nmò bè dumuhen tau. Hol nimón ye yóm tau gónó ye mò nmò, ne hol nadat ye snéen. Là olon du bè yóm tau hyu kmoen gónó ye mò du nim monu ni, bede hol nmò ye snéen bè yóm tau sidek adaten.

1 Pitér 3:6

Lómón yó se tehe nmò tuha libun Abraham ekni, boluyen Sara. Sal gel nimónen yóm tuha logihen, botong tabahen du dou gónó mogot. Ne yu kem libun hemtahu bè Dwata ni kmoen ni, yu se henged kun sfu Sara ke hyu yóm gel nmò ye, ne ke laen kô dù knikò ye bè tuha logi ye.