Tekang Kbuten 31:34 - Udél Dwata: Gna Kesfasad ne Lomi Kesfasad

³⁴ Blaem yóm dwata lennged yó, deng sana bnos Rakél lem yóm sning nô bè syà kamélen ne yó nmoen, myón tahen. Tódô gotu snisif hnebel Laban gu lem tolda Rakél okóm là kô tonen du.

Tekang Kbuten 31:34 Iomraidhean Croise

Tekang Kbuten 31:17

Tahu se, tódô htifes Jakub mulék ebè maen bè benwu Kanan. Bè yóm kewót le, hsakayen lu kamél yó kem yehenen ne kem ngaen. Lemwót yó kem ógófen fen htukóen lu gna, ne gotu lulónen ta le yó kem dumu kimu gutahen gu bè Misuputamya.

Tekang Kbuten 31:19

Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Tekang Kbuten 31:33

Kewót Laban bè yó, tódô smisif mebel gu lem tolda Jakub, ominen mógów ebè gónón nô Liya ne bè gónó le nô yó kem lewu hesek le libun. Okóm là kô tonen du yóm dwata lennged hnebelen. Ominen bud mógów ebè yóm kun gónó nô Rakél.

Tekang Kbuten 31:35

Ne yó mon Rakél mò ke maen, “Ó Mà, hol béem abay lenbut ou, là gbeku du mdà bè soluhem abay se tolo wen hen-gifatu.” Yó gónóm mon, là kô dog ton Laban du yó kem dwata lennged hnebelen.

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

1 Samwél 15:23

Yóm smonol ke Dwata hol lómón ksideken yóm gel nmò yóm tau mton bù. Ne yóm keheklabak hol lómón ksideken yóm tau tmaba ebè dwata kéng. Duhen yó, lemwót bè yóm deng kekbéem yóm hmò Dwata kóm, gónó Dwata kembê kóm mò tau hol geta.”