Tekang Kbuten 31:30 - Udél Dwata: Gna Kesfasad ne Lomi Kesfasad

³⁰ Deng eles tngónu yóm tey khahuem ke maem, okóm moen se du ke hennagawem yó kem dwata lenngedu nô lem gónô?”

Tekang Kbuten 31:30 Iomraidhean Croise

Tekang Kbuten 31:19

Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Tekang Kbuten 31:31

Bnalà Jakub se, monen, “Yó gónóhu là hetngón du kóm yóm kewótu abay se likoe, kô nalihem béléu yó kem ngaem libun.

Tekang Kbuten 35:2

Tahu se, lemwót Jakub ne yó udélen ebè yó kem fes lówóhen ne ebè kdê yó kem tau nô béléen, monen, “Gotu kó ye yóm kdéen dwata lennged lemwót bè tólóng benwu deng nô bélê ye. Dyo ye anì mólós ye ne lesek ye yóm nes mólós mò gónó ye hegfan du tek són Dwata yóm hol nimón ye.

2 Samwél 5:21

Tódô gotu gtebel yó kem Flistin bè yó, yó kem dwata lennged le, ne tódô gotu negef Dabid ne yó kem tauhen.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Isaya 37:19

Ne yó kem dwata le gotu nlób le. Sundu tahu dwata du yóm nlób le yó, hono dwata lenbù nmò yó kem tau gu bè koyu ne gu bè botu.

Jirimaya 10:11

Hol tulón ye bè yó kem tau gel tmaba ebè dwata lennged le, mon ye mò kul, “Yó kem kuy dwata kéng yó, là dlimun le du se kul yóm longit ne tonok. Angat le gotu lana yó kem dwata kéng yó, là kô bud tonem kul te tonok ne.”

Juswa 24:2

Yó udél Juswa ebè kdê yó kem tau Israél, monen, “Ni se udél Dwata, yóm sana Dwata hol gónó tekuy mogot yó kem tau Israél. Yóm tehe yu ekni, tehe le menwu ditu sentu Él Yufratis yó kem fù ye ne gel le tmaba ebè yó kem dumu dwata kéng. Yóm sotu bè yó kem tehe fù ye yó ekni duhen Tira yóm mà le Abraham ne Nahor.

Kmukum 6:31

Okóm mom yó udél Juas ebè yó kem tau mógów ebéléen, monen, “Nfi ye Baal kô kuy? Nofin ye kô? Ke wen tau mofin du, là kóen gefet haya yóm tau yó. Ke tahu dwata se nim Baal ni, kaem nofinen kun knô. Igoen kun gónô demsù yóm deng genbà le.”