Tekang Kbuten 31:27 - Udél Dwata: Gna Kesfasad ne Lomi Kesfasad

²⁷ Moen du ke tódô tensobem ou ne tódói hlana lemwót là dog tulónem du? Ke deng tehe tulónem dou, wen ken nmou bélê ye bè yóm kewót ye ne deng tekuy na hligal semngal ne tembol ne hemglung.

Tekang Kbuten 31:27 Iomraidhean Croise

Tekang Kbuten 31:26

Bè yóm keston le, yó udél Laban ebè Jakub, monen, “Tey Tò, moen de ke tódói hlana, tódô nówóngem yó kem ngau libun? Hol lómó kmoem kul kem libun negef bè gida.

Tekang Kbuten 31:31

Bnalà Jakub se, monen, “Yó gónóhu là hetngón du kóm yóm kewótu abay se likoe, kô nalihem béléu yó kem ngaem libun.

Tekang Kbuten 4:21

Yó boluy twoli Jabal, duhen Jubal yóm kul gónó gu semfu yó kem tau hulung hemglung ne hulung smoli.

Kehewà 15:20

Wen sotu libun tugod Dwata boluyen Miryam, libun Aron. Nunihen yóm kun gel nuni boluyen tamburin ne kdê yó kem dumu libun gotu lemolò du. Bud nuni le se yóm kul tamburin lel le madal.

Kmukum 6:27

Tahu se, lemwót Gidyun, nwiten yóm sfolò kem tau tóbóng lówóhen nmoen yóm dók Dwata du. Okóm yóm kmoen du, nmoen kifu abay se tey sidek klikoen yó kem fes lówóhen ne yó kem dumu tau bè benwuhen.