Tekang Kbuten 31:26 - Udél Dwata: Gna Kesfasad ne Lomi Kesfasad

²⁶ Bè yóm keston le, yó udél Laban ebè Jakub, monen, “Tey Tò, moen de ke tódói hlana, tódô nówóngem yó kem ngau libun? Hol lómó kmoem kul kem libun negef bè gida.

Tekang Kbuten 31:26 Iomraidhean Croise

Tekang Kbuten 12:18

Omin Faro tminok ke Abram ne yó monen mò du, “Moen de ke ni nmoem béléu? Moem là tódô tmulón du dou du ke du yehenem?

Tekang Kbuten 2:24

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Tekang Kbuten 26:10

Yó udél Abimélék, monen, “Moen ke gbek nmoem bélê me nim ni? Ke deng wen semtungô du, uu se gónón lemwót yóm tey kegsalà me.”

Tekang Kbuten 29:25

Yó he ketngón Jakub du Liya yóm deng sentungóen, deng mwas. Ominen mógów ebè Laban ne monen mò du, “Moen de ke ni nmoem béléu? Yó gónóhu mò nmò béléem anì gyehenu Rakél. Moen se ni du ke snukatem ou?”

Tekang Kbuten 3:13

Ne snólók Dwata yóm libun, monen mò du, “Moen de ke nmoem nim ni?” Ne yó balaen du yóm libun, monen, “Yóm ulal fen smukat dou, yó sem gónóhu mken du.”

Tekang Kbuten 31:16

Kdê ni kem kendengen nwa Dwata bè mà ni, bè ktahuhen, hono kum se funen ne kem ngà me. Tódô nmoem ne yóm hmò Dwata kóm,” mon le Rakél.

Tekang Kbuten 31:25

Bong ke Jakub kun, deng kmamfù bè yóm sotu bulul bè yó bè Gilyad ne fen kmamfù bè yó kem dumu bulul lemnek bè yó le Laban, mung du yó kem dumuhen.

Tekang Kbuten 31:27

Moen du ke tódô tensobem ou ne tódói hlana lemwót là dog tulónem du? Ke deng tehe tulónem dou, wen ken nmou bélê ye bè yóm kewót ye ne deng tekuy na hligal semngal ne tembol ne hemglung.

Tekang Kbuten 31:36

Ngangen efet mom kinì kulu Jakub, yó udélen, monen, “Salà du de yóm deng nmou béléem? Udin du de yóm deng nuléhu mò gónóm kemtes dou?

Tekang Kbuten 34:29

Gotu negef le yóm kdê kendengen le, gomong kem yehen le ne kem ngà le, kkólen bè yó kem kdê nô lem gónô le, gotu negef le.

Tekang Kbuten 4:10

Omin Dwata bud mon du, “Tey, Kain, moen ni du ke nmoem nim tey sidek ni? Deng tonu litô twolihem dmanag bè tonok, lómón ke dawaten ou anì bnelesu.

Kun Snulat Jan 18:35

Bnalà Paylét se, monen, “Tauhe Ju kô dou du? Hono kem kóm dumu Ju se yóm mit kóm edini ni, dalang se yó kem geta bè yó kem gel demsù ebè Dwata. Tedu de deng nmoem?”

Juswa 7:19

Yó mon Juswa mò du, “Tey Tò, hol tulónem ktahuhen bè ni bè solu Dwata, yóm Dwata hol gónó tekuy mogot kem tau Israél. Hol benkasem yóm deng nmoem. Tulónem dou kun, hol béem bnos béléu.”

1 Samwél 14:43

Omin Sol smólók ke Junatan, monen mò du, “Tulónem do yóm deng nmoem?” Ne tulón Junatan du, monen, “Deng wen udì tneb duu bè tukô yóm tugedu ne kenu. Mataye du kô yóm yó?”

1 Samwél 17:29

Bnalà Dabid se, monen, “Tedu deng nmou du? Olohu smólók néen.”

1 Samwél 30:2

Gotu negef le yó kem libun ne yó kem ngà ne yó kem dumu tau nô bè yó, okóm laen dù hnatay le bélê le.