Tekang Kbuten 31:19 - Udél Dwata: Gna Kesfasad ne Lomi Kesfasad

¹⁹ Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Tekang Kbuten 31:19 Iomraidhean Croise

Tekang Kbuten 24:38

Hol ditu gónóm e solu bè yó kem kun kwen tehe mà ne bè kem dou dumu. Ditu gónóm mebel du yóm libun mò yehen yóm ngau.’

Tekang Kbuten 31:20

Bè yóm kewót Jakub yó tódô hlana, là kô tulónen du ke Laban.

Tekang Kbuten 31:30

Deng eles tngónu yóm tey khahuem ke maem, okóm moen se du ke hennagawem yó kem dwata lenngedu nô lem gónô?”

Tekang Kbuten 31:32

Okóm bè yóm dwata lennged nô lem gónóem, ke wen se tau gónóm mton du bè ni, tódô hnatay kmò du. Hol hnebelem yóm kóm, ne ke tonem, tódô nwahem. Ne ni kem tau te mung kut ni mò fen temksì du.” Là kô tngón Jakub du yóm fen knagaw Rakél du yó kem dwata lennged maen.

Tekang Kbuten 31:34

Blaem yóm dwata lennged yó, deng sana bnos Rakél lem yóm sning nô bè syà kamélen ne yó nmoen, myón tahen. Tódô gotu snisif hnebel Laban gu lem tolda Rakél okóm là kô tonen du.

Tekang Kbuten 31:35

Ne yó mon Rakél mò ke maen, “Ó Mà, hol béem abay lenbut ou, là gbeku du mdà bè soluhem abay se tolo wen hen-gifatu.” Yó gónóm mon, là kô dog ton Laban du yó kem dwata lennged hnebelen.

Tekang Kbuten 35:2

Tahu se, lemwót Jakub ne yó udélen ebè yó kem fes lówóhen ne ebè kdê yó kem tau nô béléen, monen, “Gotu kó ye yóm kdéen dwata lennged lemwót bè tólóng benwu deng nô bélê ye. Dyo ye anì mólós ye ne lesek ye yóm nes mólós mò gónó ye hegfan du tek són Dwata yóm hol nimón ye.

Tekang Kbuten 38:13

Wen tmulón du ke Tamar yóm deng knô tuónen logi bè Timna, nauyen yó kem tau gmunting bul yó kem ubihahen.

2 Samwél 13:23

Timbow deng lewu halayen miwes bè yó, nungus Absalum bul yó kem ubihahen ditu bè Baal-hasor, moni bè tonok Ifraim, ne gotu tinoken yóm kdê ngà logi yóm tau hol geta anì mung le béléen bè yó.

2 Bok Kem Tau Hol Geta 23:24

Yó bud nmò Jusaya bè Jirusalim ne bè klamang Juda, gotu kóhen yóm kdéen tau mton bù, kem tau demwata, ne yó kem dwata lennged gel sù le lem gónô le ne yó kem dumu dwata lennged gónó le tmaba, gotu kóhen lu. Yó gónóhen mò du nim ni lanen mimón yóm hlau deng snulat lem yóm bok ton Hilkaya yóm tau blóng ebè Dwata lem Gónô Dwata.

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

Juswa 24:2

Yó udél Juswa ebè kdê yó kem tau Israél, monen, “Ni se udél Dwata, yóm sana Dwata hol gónó tekuy mogot yó kem tau Israél. Yóm tehe yu ekni, tehe le menwu ditu sentu Él Yufratis yó kem fù ye ne gel le tmaba ebè yó kem dumu dwata kéng. Yóm sotu bè yó kem tehe fù ye yó ekni duhen Tira yóm mà le Abraham ne Nahor.

1 Samwél 15:23

Yóm smonol ke Dwata hol lómón ksideken yóm gel nmò yóm tau mton bù. Ne yóm keheklabak hol lómón ksideken yóm tau tmaba ebè dwata kéng. Duhen yó, lemwót bè yóm deng kekbéem yóm hmò Dwata kóm, gónó Dwata kembê kóm mò tau hol geta.”

1 Samwél 19:13

Omin Mikal ma yóm dwata lennged ne heflililen bè gónó le tungô, nmoen kumuen ne wen kama bul kambing suen bè kuluhen ne ominen lemimun du.

1 Samwél 25:2

Bè yó bè Maun, wen tau alì kwasa nô bè yó ne wen tonoken nô bè Karmél. Botong tlu libu ubihahen ne lemibu kambingen. Bè yóm kdaw yó tolo nungusen bul yó kem ubihahen ditu bè Karmél.