Tekang Kbuten 31:12 - Udél Dwata: Gna Kesfasad ne Lomi Kesfasad

¹² Bud monen mò dou yóm hógów Dwata yó, ‘Ngem, tódô kdéen kambing logi móyô hembô hono leglis ne kabang ne buling. Ou se mò du yóm yó, abay se deng gotu tonu yóm kdê gel nmò Laban béléem.

Tekang Kbuten 31:12 Iomraidhean Croise

Tekang Kbuten 31:10

Bè yóm tehe bulón le móyô hembô yó kem ógóf, wen knahu. Yó knahu, tódô kdê yó kem kambing logi móyô hembô, sal le leglis ne kabang ne buling.

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Kem Lingón 10:14

Okóm, Dwata, deng tonem se yóm alì kehlayam le tau ne yóm alì kehsidek le kul. Deng eles hendemem ne yóm ktafakem kul. Són uu snalig yó kem tau laen dù gmò le. Uu se gel tmóbóng yó kem ngà hikit.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Kem Lingón 139:3

Tendo tonem o. Baluen ke moe nmò duhen ke hegnóe, gotu tngónem yóm kmò kekdolu.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Kehewà 3:9

Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Hlolò 19:13

Bê ye abay leningko kem dumu ye ne béen abay wen hennagaw ye bélê le. Bê ye abay nanggà efet kól haya sukéy yóm tau mò nmò bélê ye.

Kul Nmò 7:34

Bud mon Dwata mò du, ‘Deng tonu yóm alì keglayam yó kem dou tau bè Idyip, gefet béléu yóm alì tnalaw le. Yó gónóhu mnaul elaan anì lenwau lu. Géhéli ne,’ mon Dwata, ‘angat hógówu uu etu bè Idyip.’Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Ifisus 6:9

Dalang se kuy yu kem tau wen klifenen. Yake hol lómón yó koni yóm kuy kmò ebè yó kem klifen ye. Bê ye bud gel henwó lu. Yakà tek sotu du gónó ye mogot, duhen yóm gónó tekuy mogot bè longit. Bè yóm angat kkukumen kuy, laen kô mtukul knihuhen bélê ye.