Tekang Kbuten 30:9 - Udél Dwata: Gna Kesfasad ne Lomi Kesfasad

⁹ Timbow tngón Liya yóm là bud kngaen, yó gónón hestungô du ke Jakub yóm kun hesek boluyen Silpa.

Tekang Kbuten 30:9 Iomraidhean Croise

Tekang Kbuten 16:3

Tahu se, hedwey Saray ke Abram Hagar. Yóm kedwey Abram ni, deng sfolò halayen ne nô bè Kanan.

Tekang Kbuten 29:24

Hyu sù Laban bè Liya yóm libun heseken boluyen Silpa mò gel dóken.

Tekang Kbuten 29:35

Bud mlutut bè yó ne bud mngà logi. Yó monen, “Lemwót bè yóm ngau ni hol gónóhu dmóyón ke Dwata.” Ne yó gónón moluy du Juda. Ominen yó là bud tagad mngà.

Tekang Kbuten 30:10

Ne mlutut Silpa ne mngà logi.

Tekang Kbuten 30:17

Bnalà Dwata yóm kni Liya béléen ne bud mlutut ne mngà logi. Glimuhen yó ne yóm ngà Jakub logi béléen.

Tekang Kbuten 30:4

Tahu se, hestungóen ke Jakub Bilha, yóm ngà libun heseken.

Tekang Kbuten 30:8

Yó mon Rakél, “Deng tey kwitu sfatay bè yóm twoguhu ne ni he katuu béléen.” Ne yó gónón moluy du Naftali yóm ngà sut yó.