Tekang Kbuten 30:8 - Udél Dwata: Gna Kesfasad ne Lomi Kesfasad

⁸ Yó mon Rakél, “Deng tey kwitu sfatay bè yóm twoguhu ne ni he katuu béléen.” Ne yó gónón moluy du Naftali yóm ngà sut yó.

Tekang Kbuten 30:8 Iomraidhean Croise

Tekang Kbuten 23:6

“Bè kum kehedem du, là kói olo tau hkawang, uu se yóm hol datù sensadat. Tey hyu nawa me ke tódô lebengem bè yóm gónó lembeng hol knóón bélê me yóm tuha libunem.”

Tekang Kbuten 30:7

Bud mlutut Bilha ne bud mngà logi.

Tekang Kbuten 30:9

Timbow tngón Liya yóm là bud kngaen, yó gónón hestungô du ke Jakub yóm kun hesek boluyen Silpa.

Tekang Kbuten 35:25

Yó ngaen bè Bilha yóm hesek Rakél, duhen Dan ne Naftali.

Tekang Kbuten 49:21

Ne bè Naftali kun, hol lómón ke uhu tagaw laen dù gembek kemfô du ne tey knóón ton yó kem ngà natihen.

Kehewà 9:28

Hol ye mni kum bè Dwata. Geblaen ni ne yóm tey leték ne nim tey bulók kulón ni. Ni fasadu kuy, hewótu yu ne là bud nalihu kuy bè ni ne.”

Matyu 4:13

Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Dwata 33:23

Yó udél Musis gbak ebè yó kem sfu Naftali, monen, “Yó hem tonok fi desdef efet kól ditu bè yóm tonok fi leged yóm mò hol kul nfun.”

1 Samwél 14:15

Ya tey sidek klangaf kesebwól yó kem kdê sendalù Flistin nô bè kamfù le ne yó kem sendalù nô bè lewà gomong yó kem sendalù deng eles mentey bè lan dalang se yó kem sendalù gel hundug le. Yó nmò Dwata, wen linol bong hwiten elem blóng le, ya tey sidek klikò yóm kdê sendalù Flistin.