Tekang Kbuten 30:20 - Udél Dwata: Gna Kesfasad ne Lomi Kesfasad

²⁰ Ne yó monen, “Deng blay Dwata dou yóm tey basa hyu. Ne ni, henmóyóen ou ne yóm tuha logihu abay se deng nem ngau béléen logi. Ne yó gónón moluy du Sibulun yóm ngà sut yó.”

Tekang Kbuten 30:20 Iomraidhean Croise

Tekang Kbuten 29:34

Bud mlutut bè yó Liya ne bud mngà logi. Yó monen, “Lemwót bè yóm deng kwen tlu ngau logi, déke mogot nawahen béléu ne yóm tuha logihu.” Ne yó boluyen du yóm ngaen sut yó, Libay.

Tekang Kbuten 30:15

Mon Liya se mò du, “Là gsengel nawahem du he kô yóm deng tódô kledem du béléu yóm dou tuha logi? Ne ni, bud tô nwahem yóm dou bulung mngà ton ngau?” Mon Rakél se, “Ke benlayem ou yóm bulung mngà ton ngaem, hyu kestungóem ke Jakub kifu ni.”

Tekang Kbuten 30:19

Bud mlutut bè yó Liya ne bud mngà logi. Yó se yóm gnem ngà Jakub logi béléen.

Tekang Kbuten 30:21

Kogolen bè yó, yó he kngà Liya libun ne yó boluyen du Dina.

Tekang Kbuten 34:12

Balù nô kbong yóm sunggud hni ye béléu, angat gotu blayu kuy, syan ke hyehen ye dou yóm libun yó.”

Tekang Kbuten 35:23

Yó ngaen bè Liya, duhen Rubén, du se hol ngà Jakub twogu, ominen tmodol Simyun ne Libay ne Juda ne Isakar ne Sibulun.

Tekang Kbuten 49:13

Bong ke Sibulun kun, angat menwu bè kilil mohin. Bè yó gónó le tendo gel dmuung yó kem kafal. Tey lamang yóm tonoken, botong gefet bè syudad Sidon.

Kem Lingón 68:27

Ngem, tukô gna yó kem sfu Bindyamin, là hol le wen. Tmodol yó kem tey tmuha fen malak lemwót bè ból Juda, ne bè ból Sibulun, ne bè ból Naftali.

Matyu 4:13

Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Dwata 27:13

Ne bud wen bélê ye fen mdà ta Bulul Ibal mò hem-el du bè yó kem tau Israél yóm tafak lemwót bè là kimón le ke Dwata. Yó kem tau fen mdà ta Bulul Ibal yó, duhen yó kem sfu Rubén ne Gad ne Asér ne Sibulun ne Dan ne Naftali.

Kmukum 4:10

Bè yóm kkól le bè Kédés, gotu htaba Barak yó kem ból Sibulun ne ból Naftali ne botong sfolò libu kwen kem sendalù mung du. Mung du snéen Dibura.

Kmukum 5:14

Mosol le ebè datal yó kem ból Ifraim, tukô gna kul yó kem ból Bindyamin. Yó kem kmandér le, lemwót le bè ból Makir ne wen se dumu genlal lemwót bè ból Sibulun.

1 Samwél 18:25

yó bud monen mò kul, “Tulón ye ke Dabid là kóe mni béléen sunggud, olon lematu kulit tukô botò tau Flistin mò gónóhu gembeles bélê le yó kem hohonu.” Okóm yó hol nô bè nawa Sol anì hnatay le Dabid yó kem Flistin.