Tekang Kbuten 30:2 - Udél Dwata: Gna Kesfasad ne Lomi Kesfasad

² Deng mom lenbut Jakub Rakél ne monen mò du, “Ou kô Dwata? Bè Dwata se gónón lemwót yóm là kngaem.”

Tekang Kbuten 30:2 Iomraidhean Croise

Tekang Kbuten 16:2

Yó mon Saray mò ke Abram, “Lemwót bè yóm là kehngà Dwata dou, yake sentungóem dé yóm libun heseku. Déke mngà anì mò dou.” Tódô nmung Abram yóm mon Saray mò du yó.

Tekang Kbuten 20:18

Yakà deng hatil Dwata lu yó kem libun lem gónô Abimélék lemwót bè yóm kwa Abimélék ke Sara yehen Abraham.

Tekang Kbuten 25:21

Lemwót bè yóm là kngà Ribika, yó gónó Isak mni béléen bè Dwata. Ne bnalà Dwata se yóm hni Isak yó, ne mlutut Ribika.

Tekang Kbuten 29:31

Timbow ton Dwata yóm là kbong nawa Jakub ke Liya, yó gónón hwen ngaen ne fen laen duen ke Rakél.

Tekang Kbuten 31:36

Ngangen efet mom kinì kulu Jakub, yó udélen, monen, “Salà du de yóm deng nmou béléem? Udin du de yóm deng nuléhu mò gónóm kemtes dou?

Tekang Kbuten 50:19

Okóm yó balà Jusif kul, monen, “Hol bê ye abay hlikò. Là kô gbeku temgna ke Dwata.

2 Bok Kem Tau Hol Geta 5:7

Tikóng senfala yóm tau hol geta bè Israél yóm sulat yó, botong kenséen nesen lemwót bè alì sidek kegnómen du, yó udélen, monen, “Tum nahen hemwit udél ebéléu yóm tau hol geta ni anì hkóhu des mifù nim tau ni? Ilóem Dwatahe kô, wen kfasangu hlowil tau duhen ke hmatay tau? Là hyuhen nim nmoen ni, tô mebel lan anì wen gónó me seglius.”

Kem Lingón 113:9

Hefligalen yóm libun atil mlan bè kehngaen du. Hol dóyón tekuy Dwata.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Kehewà 32:19

Timbow deng moni bè kamfù le Musis, tódô tonen se yóm ngà safì tudu ne tonen se yó kem tau madal. Ya tey sidek kebuten. Bè yó bè but yóm bulul tódô tudaen yóm botu kufil nwiten ne gotu meskang.

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Kun Snulat Luk 1:42

tódô hgelen udélen, monen mò ke Midi, “Tey hyu bagiem kóm. Laen kô dù libun te tonok ke gmulit yóm deng kmò Dwata kóm, dalang se yóm angat ngaem, laen kô dù angat gmulit du.

Ifisus 4:26

Ke wen lenbut ye, ten-gama ye anì là gwiten kuy mò salà. Bê ye hkól bè kesdef kdaw yóm kebut ye,

1 Samwél 1:5

Okóm ke Hana kun, lemwót bè yóm tey kbong nawahen du tey gulé yóm kun umun balù yóm klaen dù ngà deng blay Dwata du.