Tekang Kbuten 30:1 - Udél Dwata: Gna Kesfasad ne Lomi Kesfasad

¹ Okóm ke Rakél kun, laen dù ngà Jakub béléen ne yó mò du, deng mom mélés nawahen yóm twoguhen, ne yó monen mò ke Jakub, “Benlayem ou ngà. Ke laen dù ngau, mom tódóe hyu he ke tódóe matay.”

Tekang Kbuten 30:1 Iomraidhean Croise

Tekang Kbuten 29:31

Timbow ton Dwata yóm là kbong nawa Jakub ke Liya, yó gónón hwen ngaen ne fen laen duen ke Rakél.

Tekang Kbuten 37:11

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

1 Bok Kem Tau Hol Geta 19:4

Tódô sendawen mò du mógów tek sotu lem yóm benwu laen hol wen tauhen, ominen hegnô ne myón bè gónón golung laan yóm sotu koyu udì boluyen brum, mni bè Dwata anì tódô matay. Yó udélen, monen, “Ó Dwata, là bud gbeku du ne. Nwahem ne klowilu, laen sem dù gónów stólóng bè yó kem tehe fuu deng matay.”

Job 3:11

Mom hyu ne ekni ke tehehe matay bè yóm tehe ksutu.

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Kem Lingón 106:16

Timbow nélés nawa le Musis yó kem tau bè kamfù, dalang se Aron yóm tau deng nélék Dwata, mò blóng tau ebéléen,

Kem Udél Hlalak Tehe Selumun 14:30

Yóm tau menek kehedemen hyu klówóhen, okóm yóm klenget tau hengoken lem tiolen.

Kem Udél Hlalak Tehe Selumun 30:16

Yóm benwu yó kem tau matay ne yóm libun atil ne yóm tonok semgalu él ne yóm ofi là ghatay du. Ni se koni yóm fat là wen tul kegsengel le.

Lista 11:15

Ke seflós lómón ni tô hmoem do hol henkoduhu béléem, tódô hnatayem o ni ne anì là bud gnómu du yóm alì ksidek keblat yóm hbóem do.”

Lista 11:29

Bnalà Musis se, monen, “Fen tô nalihem kô yóm kwalisu tmugod ke Dwata? Hyu nawahu dou ke tódô gotu htulus Dwata yóm kdê tauhen anì gotu le baling tau tugod Dwata.”

Kun Snulat Jan 4:3

Timbow gungol Jisas nim tulón le ni, tódô lemwót bè yó bè prubinsya Judiya, ne bud mulék ebè prubinsya Galili.

1 Kurin 3:3

Abay se monem sana tolo klolò ye du yóm kul kmò yó kem tau là hemtahuhen. Yó gónóhu mon du yóm yó, abay se tolo wen bélê ye gel sélés nawa, ne gel skaf mon. Yó se gónón gfan yóm tolo klolò ye du yóm kul kmò yó kem tau là hemtahuhen.

2 Kurin 7:10

Tey bong hyu se yóm kegbeng lem lemwót bè Dwata, abay se niten tekuy hegsel anì guta tekuy yóm klowil laen dù sónen. Laen kô dù gónó tekuy gsel du yóm yó. Okóm yóm kul keblat nawa yó kem tau là hemtahuhen, mom niten lu elem hatay laen dù sónen.

Glasya 5:21

Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Sulat Jim 3:14

Okóm yóm tau tendo wen élés nawa lem hendemen lelen seglom, béen abay hton salù bè yóm kwen ketngónen yóm tau yó.

Sulat Jim 4:5

Là kóen na a kéng yóm monen bè Sulat Dwata, yóm monen, “Yóm nawa deng tehe blay Dwata tekuy, deng mom baling nawa alì móyô mò du yóm sidek.”

1 Samwél 1:10

Lemwót bè yóm alì ksidek kegnóm Hana du, ya tey sidek kkiken bè yóm knihen ebè Dwata.