Tekang Kbuten 3:8 - Udél Dwata: Gna Kesfasad ne Lomi Kesfasad

⁸ Na a móyón kifu bè yó, tódô gungol le yóm Dwata hol gónó mogot mógów gu lem yóm hungul yó ne yó nmò le, mom henbnos le Dwata lem blóng yó kem koyu.

Tekang Kbuten 3:8 Iomraidhean Croise

Tekang Kbuten 18:33

Timbow deng kestulón le Abraham, omin Dwata lemwót ne fen mulék ebè gónóen kun ke Abraham.

Tekang Kbuten 3:10

Yó balaen du yóm logi yó, monen, “Gungolu uu se yóm kkólem bè ni okóm likoe, henbnosu uu abay se tódóe hlówó.”

Job 31:33

Ke deng wen salà bnosu lómón yóm gel nmò yó kem dumu tau ne ke là tulónu du yóm salau yó

Job 38:1

Duhen yó, lemwót Dwata tódô mudél ebè Job gu lem yóm tey lenos bong, monen,

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Juna 1:3

Okóm mom yó atul Juna, mógów ebè yóm tólóng benwu alì mayuk bè Ninibi, tô henlóyen Dwata. Yó gónón lemwót mógów ebè Jupa, yóm sotu syudad nô bè kilil mohin, ne bè yó gónón mton du yóm kafal mógów ebè Spén. Tódô kendel bnayaden yóm sukéyen anì hsakay le, mung bè yó kem tau gel mò nmò bè kafal anì yó, wen lanen tô hlayuk bè Dwata.

Sulat Pol Ebè Yó Kem Tau Hemtahu Bè Rom 2:15

Tódô dilô bélê le deng eles nô lem hendem le yóm deng monen bè hlau Musis. Lemwót bè yóm kehedem le du, tódô gnóm le ke hyu yóm nmò le duhen ke sidek.

Dwata 4:33

Deng wen kô dumu tau tolo mowil ke deng gungol le yóm udél Dwata ebélê le gu lem yóm dilóf ofi lómón yóm kudélen ebélê ye? Laen duen.

Dwata 5:25

Okóm ni tey sidek klikò me du yóm ofi yó tódô gotu genlaen mi. Tódô eles gnóm me gotu me matay ke bud gungol me udél yóm sana kut Dwata hol gónó mogot.

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Deng Hegfan 6:15

Yóm kdéen tau te tonok, tódô le gotu tô hebnos lem yó kem kilib ne lem blóng yó kem botu lembang ditu lem bulul, kdéen tau hol geta, ne kdéen tau wen glalen, ne kdéen geta bè yó kem sendalù, ne yó kem tau kwasa, ne yó kem tau wen kfasang le, ne kdéen dumu tau, tau hesek ne tau là heseken, gotu le tô hebnos.