Tekang Kbuten 3:7 - Udél Dwata: Gna Kesfasad ne Lomi Kesfasad

⁷ Mung bè yóm kken le du, tódô henmungen wen tngón le ne ton le tódô le hlówó. Yó ne sotu kun ma doun koyu fig, tenbé le mò dowin le.

Tekang Kbuten 3:7 Iomraidhean Croise

Tekang Kbuten 2:25

Bè yóm kdaw yó, tódô mógów hlówó yóm logi ne yóm libun yó, okóm là kô le myak du.

Tekang Kbuten 3:5

Yó gónó Dwata mngali du kuy yóm yó, abay se tngónen ke ken ye tódô ye mkél béléen, tódô tngón ye yóm hyu ne tódô tngón ye se yóm sidek.”

2 Bok Kem Tau Hol Geta 6:20

Bè yóm kusek le bè Samarya, bud mni bè Dwata Ilaysa, monen, “Ó Dwata, ni bud htonem lu.” Tahu se, bud htón Dwata lu, ne tódô ton le deng le nô lem Samarya.

Kun Snulat Luk 16:23

Tódô hlós elem lanaw ofi, ya tey keglayamen. Tikóng temngel etta, tódô tonen Abraham, okóm mayuk béléen yóm gónóhen nô. Ne tonen se Lasarus myón klohoken.

1 Kurin 12:23

Ne bud wen se bè lówó tekuy bè kehedem tekuy du laen hol muhen, kaem yó se yóm gel sen-gyok tekuy. Ne bud wen se nô bè lówó tau là hyu hegfan du, kaem yó se alì gel hen-glol nnes tekuy anì laen dù kenyak tekuy.

Dwata 28:34

Lemwót bè yóm alì ksidek glumfak ton ye gefet bè yó kem dumu ye hmilol kuy, botong lengel mata ye.