Tekang Kbuten 3:6 - Udél Dwata: Gna Kesfasad ne Lomi Kesfasad

⁶ Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Tekang Kbuten 3:6 Iomraidhean Croise

Tekang Kbuten 3:12

Ne yó balaen du yóm logi, monen, “Yó sem libun nmoem mò dumuhu bemlay du dou, ne tódô kenu.”

Tekang Kbuten 3:17

Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Tekang Kbuten 39:7

Timbow deng legen udì bè yó, deng mom niwol yehen Putifar Jusif ne tô nbóten.

Tekang Kbuten 6:2

Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

2 Samwél 11:2

Sotu kdaw, btik Dabid bè yóm ktungóen kimel, ne yó nmoen, lelen mógów ta ketef bè gónón gel henos bè yó bè gónô bongen. Yóm igoen temngel eta yóm syudaden, tonen yóm libun dyo, libun alì tilob.

1 Bok Kem Tau Hol Geta 13:19

Duhen yó, slomong le mulék yóm lewu le. Ne bè yó bè gónô yóm tugod Dwata deng tuha gónón mken ne minum él yóm tau Dwata.

Job 31:1

Yó bud udél Job, monen, “Deng wen safà mget nmou ebè Dwata, duhen yóm là ketngelu ebè libun ke wen iwolu du gu lem.

Husiya 6:7

Okóm mkél ye bè yóm tehe Adam, deng genbà ye yóm kesfasad tekuy ne deng knogol ye o.

Matyu 5:28

Okóm ni dou tulón kuy, balù bè olo ketngelem ebè yóm libun ke wen óyóem du gu lem, deng timbang snamukem ne, abay se deng deng bè yóm kehedemem du.

1 Timuti 2:14

Là kô Adam du yóm tawan sukat, kaem yóm libun, ne du se yóm fen gmulé du yóm hlau Dwata kul.

Juswa 7:21

Bè yóm tehe kegbà me yóm syudad Jiriku wen sotu tey nes tilob tonu lemwót bè Babilun. Bud wen tonu dô lewu kilu blówón bukay ne sekleng tahu blówónen, wen dô sóól kilu keblaten. Bè yóm ktonu du tey óyóu du, ne tódô nwahu. Ne ditu gónóhu lembeng du lem toldahu, hol fi laan yóm blówón bukay.”

1 Jan 2:16

Yó kem dê kenbeyen nawa ton ye lemen, yó kem dê knóyô lówó ye, ne yó kem dê ton mata ye, ne yó kem dê gónó ye hton salù, là kóen lemwót bè yóm Mà ye bè longit yó kem yó. Sal lemwót bè knóyô tau te tonok.

Kmukum 14:17

Tódô ket kdaw yehen Samsun mkik béléen lem yóm hitu kdaw le mò ken. Timbow kól bè ghituhen kdaw, tódô tulón Samsun du lan yóm ngeden abay se tódô senflós yehenen mubug smólók du. Omin yehenen gotu bud tmulón du bè yó kem Flistin.