Tekang Kbuten 3:5 - Udél Dwata: Gna Kesfasad ne Lomi Kesfasad

⁵ Yó gónó Dwata mngali du kuy yóm yó, abay se tngónen ke ken ye tódô ye mkél béléen, tódô tngón ye yóm hyu ne tódô tngón ye se yóm sidek.”

Tekang Kbuten 3:5 Iomraidhean Croise

Tekang Kbuten 2:17

Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Tekang Kbuten 2:9

Tódô kentihen koyu alì tilob mton du gotu htowok Dwata bè yó, hono kem koyu tilob kbungu le. Bè hol gónón sóól yóm hungul nmoen yó, wen sotu koyu mteg bè yó ke gken tau bunguhen tódô hlós mowil. Ne wen bud sotu koyu mteg bè yó ke gken tau bunguhen, tódô tngónen yóm hyu ne tódô tngónen se yóm sidek.

Tekang Kbuten 3:10

Yó balaen du yóm logi yó, monen, “Gungolu uu se yóm kkólem bè ni okóm likoe, henbnosu uu abay se tódóe hlówó.”

Tekang Kbuten 3:22

Ne yó bud mon Dwata yóm hol gónó mogot, “Ngem, yóm tau deng baling mkél tekuy, deng tngónen yóm hyu ne deng tódô tngónen se yóm sidek. Là kóen hyu ke ma bè yóm koyu hlowil tau, abay se ke kenen tódô hlós mowil.”

Tekang Kbuten 3:7

Mung bè yóm kken le du, tódô henmungen wen tngón le ne ton le tódô le hlówó. Yó ne sotu kun ma doun koyu fig, tenbé le mò dowin le.

1 Bok Kem Tau Hol Geta 22:6

Tahu se, gotu htaba Ahab yó kem tugoden, botong dô fat latu kwen le, ne ominen smólók kul, “Nundugu Ramut-gilyad kô, duhen ke là?” Mon le se, “Nundugem sen, angat tey kehegmò Dwata kóm.”

2 Tutul Israél 32:15

Yó gónóm mon, bê ye abay hegsukat bè Hisikaya, bê ye abay hegtondo béléen ne hol bê ye abay hentahu, abay se laen kô dù dwata bè dumu benwu ke deng gbek le lemwà kem tau le lem hólólu, ne lem hólól yó kem tau hol geta tehe fù me. Sélét mom tô Dwata ye ne gembek lemwà kuy lem hólólu.”

Kem Lingón 12:4

Yó mon le, “Guta me yóm nóyô me mlan bè udél me. Kihu mon me, laen dù tau gembek hemseng kum.”

Kehewà 20:7

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Kehewà 5:2

Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

Isaya 14:14

Yó tehe monem, “Angate nô ta yó kem lobun alì geta ne angate mkél bè yóm Dwata laen dù là gbeken du.”

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Danyél 6:7

Deng wen sensatul me mi kem tau deng wen hogotem du, kem hmalak ne kem gubérnor ne kem tau sfu tau hol geta ne yó kem fen gel hemlan béléem udél ne yó kem dumu tau deng genlalem ne deng gotu senkotuk me yóm atul nmò me ni. Hyu ke moi kut lomi udin mò lolò yóm kdéen tau nogotem ne hol hgetem anì là gbek le mulé du. Yó udinem bè lem yóm tlu folò buteng, béen tagad wen dumu gónó le mni yó kem tau tek són ebéléem. Là hyuhen ke mni le bè dumu tau ne là se hyuhen ke mni le bè yó kem kul dwata. Ke wen tau là mimón du nim udin ni, tódô bot elem tum sol gónó le kmukub yó kem liyun.

Matyu 6:23

Okóm ke là hyu yóm mata ye, hol lómón ke kmifu lem lówó ye. Hol ten-gama ye, déke laen dù layagen yóm lem lówó ye. Ke yó se kmoen, ya tey kget kifuhen.”

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

2 Tisalunika 2:4

Nim tau ni, gotu natuen kdéen dwata kéng kkólen bè yó kem dumu gel hentahu kem tau, ne angat hegetahen knóen senta le. Balù yóm Gónô Dwata, tódô husek elemen, ne tódô myón bè yó, ne tódô monen du kun Dwata.

Deng Hegfan 13:14

Ne lemwót bè yó kem hentaw ton gel nmoen, gónó le gotu gsukat yóm kdéen tau nô te tonok. Bè yóm gel kmoen du ni kem ni, gel nô klohok yóm lóbô tanay sut, abay se yóm lóbô gna sut gel hmò du béléen. Yóm lóbô huli sut yó, wen lennged hmoen yó kem tau, yóm lennged mkél bè yóm lóbô tehe hnalì bè sudeng, okóm deng bud mowil.

Deng Hegfan 13:4

Tey kehtahu le du yóm swaga, abay se deng blayen yóm kun kfasang bè yóm ógóf lóbô hesut gu lem mohin. Hentahu le snéen yóm ógóf lóbô, mon le, “Laen kô gemsenged du nim ógóf lóbô ni. Laen kô gembek mit du sgida.”