Tekang Kbuten 3:19 - Udél Dwata: Gna Kesfasad ne Lomi Kesfasad

¹⁹ Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Tekang Kbuten 3:19 Iomraidhean Croise

Tekang Kbuten 18:27

Bud mon Abraham, “Olohe tau tonok se do, laen kô dù kwalisu alì smólók kóm.

Tekang Kbuten 2:7

Bè yóm tehe kmò Dwata tau, wen tonok nwahen ne nifilen, henbalingen tau. Ominen myuf lem ilungen yóm nawa mò hlowil du ne tódô mnawa se yóm tau nifilen yó ne sen-gengen se mowil.

Tekang Kbuten 23:4

“Nim knóu lem blóng ye, olohe tau milo ebélê ye. Ke hyu bélê ye, hebli ye ou tonok mò gónóhu lembeng ke tuha libunu.”

Tekang Kbuten 3:18

Tódô senflósen mget knuon ne semnual yóm tonok ye, ewenem sana kmò ye hulu tahen mò ken ye.

Tekang Kbuten 5:5

Song matay deng 930 ne halayen.

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

Job 19:26

Baluen ke gotu sidek yóm lówóhu yóm kmoen ni, ewenem angat bud tonu he Dwata. Ne bè yóm ktonu du bud wen lomi lówóhu.

Job 4:19

Sélétem tô yó ne snaligen yó kem tau olo nifilen lemwót bè tonok. Lemwót le bè kfung se kul. Mkél le bè ngà kbangi udì, mahil lemuna du.

Kem Lingón 103:14

Tódô tngón Dwata yóm tehe kifilen tekuy, olo kuy lemwót bè kfung.

Kem Lingón 104:23

Okóm kul yó kem tau, na le e btik mò nmò efet kifu.

Kem Lingón 104:29

Ke knogolem lu, tey sidek klikò le. Ke bud nwahem yóm nawa deng blayem kul, matay le. Gotu le bud mulék ebè kfung bè yóm tehe gónó le gu lemwót.

Kem Lingón 127:2

Yóm tau mebel klowil, baluen ke temkifu mò nmò, ne song tungô ke deng tey nelem kifu, olon gamà litegen ke là lemwóten bè Dwata. Abay se yóm Dwata, balù igò le tolo tungô yó kem tau kenbong nawahen, deng eles hentifesen ne yóm mò klowil le elem haya.

Kem Lingón 22:15

Gotu mékéng lem baku, tódô demket lem hlalu dilaku. Tey, Dwata, deng tódô bayaem ou matay masà lem kfung.

Kem Lingón 22:29

Yó kem tau hegeta knô angat le gotu heglaan béléen. Laen kô dù tau te tonok ke là mtuden bukol bè soluhen.

Kem Lingón 90:3

Okóm kul yó kem tau, bud gel hulékem lu bè kfung bè yóm tehe gónó le gu lemwót. Bud gel hbalingem lu kfung.

Kem Udél Hlalak Tehe Selumun 21:16

Yóm tau senyaten yóm lan ebè yóm khulung hedem mahil knóen bè kul gónó nô yó kem matay.

Kehedem Tau Tmolok 12:7

Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.

Kehedem Tau Tmolok 3:20

Senged se gónó le e mulék. Bè kfung gónó le gu lemwót, bud ebè kfung se gónó le e mulék.

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

1 Kurin 15:47

Yóm tanay Adam, tau tonok, abay se nifil Dwata lemwót bè tonok. Okóm yóm sotu Adam, lemwót gu bè longit.

Ifisus 4:28

Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.

1 Tisalunika 2:9

Dô là deng klifót ye du he yóm tehe tey kmò me nmò bè yóm tehe knô me dyó bélê ye. Tódô senflós me kemdaw ne kifu mò nmò anì là glayam ye temdof kum bè yóm igò me tmolok kuy yóm Tulón Hyu lemwót bè Dwata.

2 Tisalunika 3:10

Bè yóm tehe knô me bélê ye dyó ekni, wen hlolò me kuy, “Yó se tau là moen nmò, béen dog mken.”

Hibru 9:27

Laen kô dù tau se ke là suléken du matay, omin Dwata kmukum du.