Tekang Kbuten 3:18 - Udél Dwata: Gna Kesfasad ne Lomi Kesfasad

¹⁸ Tódô senflósen mget knuon ne semnual yóm tonok ye, ewenem sana kmò ye hulu tahen mò ken ye.

Tekang Kbuten 3:18 Iomraidhean Croise

Tekang Kbuten 3:17

Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

Job 31:40

hol hono kluon he ne kmungig tmowok ta yóm tonok yó mò tles yóm halay gel hulu tahen.” Yó se són yóm udél Job.

Job 5:5

Yó kem tbas yó kem tau nungel gotu hennagaw yó kem tau bitil. Balù yóm tmowok gu lem sual gotu hennagaw le. Ne yó kem kendengen le, gotu nwa yó kem tau alì henkoso le kwen kendengen le.

Kem Lingón 104:2

Hol lómón ke tendo legmotem yóm tey layagem. Ne yó kem longit seglafin, lómón ke ketefem yóm klamangen tonok.

Kem Lingón 90:3

Okóm kul yó kem tau, bud gel hulékem lu bè kfung bè yóm tehe gónó le gu lemwót. Bud gel hbalingem lu kfung.

Kem Udél Hlalak Tehe Selumun 22:5

Yóm tau là btol kehedemen tey dê gónón btang ne gholot ne yóm tau eles mabung hlayuk bè yó kem sidek.

Kem Udél Hlalak Tehe Selumun 24:31

ne tonu tódô tfeng sual ne kluon ne gotu hugón yóm labat botu hilolen.

Isaya 32:13

Deng tles tmowok du yó kem ngà koyu semnual efet laen dù bud muhen yóm tonok yó kem dou tau. Nkik ye yó kem gónô tehe wen kem tau hligal nô lemen. Nkik ye yóm kuy syudad tehe alì wen gónó le hligal yó kem tauhen.

Isaya 5:6

Là bud hnayahu du ne yó kem huluhu yó. Là se bud hen-gifatu du ne là kô bud lenbudu du. Kihu ne ke tfeng kluon semnual tmowok lemen. Balù lobun, sana kdóku kul anì là kmulónen bè yó.”

Isaya 7:23

Bè yóm kdaw yó, yó kem tonok hyu gónó le tehe gel mulu grép tehe ket lemibu but hulu le du ne ket tonoken sal bentes lemibu botù blówón bukay, angat gotu limes bè yó kem tey ngà koyu semnual ne kem sual lemfà.

Isaya 7:24

Lemwót yó kem tau dmulok le bè yó, nit le boho le. Tódô tfeng klamangen benwu ye yó kem tey sual lemfà ne kem ngà koyu semnual.

Jirimaya 4:3

Yó udél Dwata ebè yó kem tau bè Juda ne ebè yó kem tau bè Israél, bede hningónen, monen, “Hol dnadu ye yóm tonok mgel nô bè nawa ye. Hol bê ye abay namà hulu lem sual yóm lem hulu hyu nô bélê ye.

Matyu 13:7

Ne bud wen se sohulen gdek e talak yóm gónón angat mfól kluon. Ne tmowok se, tódô mung senok bè yó kem kluon, okóm deng mom limes kun yóm ngà towok halay lem blóng le.

Sulat Pol Ebè Yó Kem Tau Hemtahu Bè Rom 14:2

Yóm tau deng mtétél kehtahuhen, laen kô dù hniihen bè yóm gel kenen. Okóm wen se tau là dengen nelem kehtahuhen, són lemnaw utónen.

Hibru 6:8

Okóm yóm tonok yó, ke deng tódô tfeng kluon tmowok tahen, laen dù muhen ne. Tódô bayà bè yó ne. Ke lómón yó kmò yóm tau, ofi angat tafak Dwata du.

Juswa 23:13

tódô eles tulónu kuy, là kô bud lo Dwata du bélê ye ni kem dù hohon ye ni ke sok nundug ye lu. Deng mom lu gónó ye gholot, duhen ke lu yóm blatik gónó ye bkó. Ne tey sidek kdesen bélê ye, lómón ke nfes le gu tekwang ye ne lómón ke huling ye sual. Ngangen mò du bélê ye yóm yó efet ye gotu mekfung ta nim tey tonok hyu deng blayen kuy yóm sana kuy Dwata hol gónó mogot.