Tekang Kbuten 3:17 - Udél Dwata: Gna Kesfasad ne Lomi Kesfasad

¹⁷ Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Tekang Kbuten 3:17 Iomraidhean Croise

Tekang Kbuten 3:11

Ne yó snólók Dwata béléen, monen, “Tau du se tmulón du kóm yóm tódô kehlówóhem yó? Deng kenem kô yóm bungu koyu nalihu kuy?”

Tekang Kbuten 3:18

Tódô senflósen mget knuon ne semnual yóm tonok ye, ewenem sana kmò ye hulu tahen mò ken ye.

Tekang Kbuten 3:6

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Tekang Kbuten 5:29

ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Job 14:1

Yó udél Job ebè Dwata, monen, “Yóm klowil tau là mbegelen. Ne tey ukol klowilen lelen sbeweg.

Kem Lingón 127:2

Yóm tau mebel klowil, baluen ke temkifu mò nmò, ne song tungô ke deng tey nelem kifu, olon gamà litegen ke là lemwóten bè Dwata. Abay se yóm Dwata, balù igò le tolo tungô yó kem tau kenbong nawahen, deng eles hentifesen ne yóm mò klowil le elem haya.

Matyu 22:12

‘Kmò khusekem elemen kóm du Wè, igoem là lemsek du yóm nes bè gónô mò ken?’ Ne là se kóen gudél yóm tau yó.

Matyu 25:45

Ne yó monen mò kul yóm Tau Hol Geta yó, ‘Tódô tulónu kuy ktahuhen, yóm là dog któbóng ye yó kem tau alì gdanà, lómón se yó ne yóm là dog któbóng ye dou.’

Kun Snulat Luk 19:22

Ne yó mon yóm tau kól yó, ‘Tey bakà nim uu. Bè yóm udélem yó gónóhu tmuled kóm. Igoem sem temngón du gele móyô smolò, gel nwahu yóm là do du, ne gel nutahu yóm là do hulu du.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Hibru 6:8

Okóm yóm tonok yó, ke deng tódô tfeng kluon tmowok tahen, laen dù muhen ne. Tódô bayà bè yó ne. Ke lómón yó kmò yóm tau, ofi angat tafak Dwata du.