Tekang Kbuten 3:15 - Udél Dwata: Gna Kesfasad ne Lomi Kesfasad

¹⁵ Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Tekang Kbuten 3:15 Iomraidhean Croise

Tekang Kbuten 49:17

Yóm kun kmò Dan, lómón ke ulal malas nô bè kilil lan. Ke wen tau smakay kudà mlan bè yó, nékéten senta kmasing yóm kudà anì htoyò ne tódô megtudà yóm tau smakay tahen.

Kem Lingón 132:11

Tey mget yóm tehe fasad Dwata ke Dabid, là kóen na a bud mulék elem baken, monen, “Angat wen bè yó kem sfuhem tles myón bè yóm gónóm myón kmamal.

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Jirimaya 31:22

Kegenen de yóm ktabag ye kem ngau là mimón? Okóm wen yóm lomi angat nmou bélê ye kem tau Israél. Yó nmou, henbalingu yu yó kem tau wen óyô le bud mulék ebè yóm kul Dwata.”

Danyél 9:26

Kogol yóm fat latu bud tlu folò fat halay yó, omin le hmatay yóm tau deng nélék Dwata mò kmamal yóm klamangen ne balù udì ke wen tebelen. Ominen wen angat sut sotu tau alì mfasang mogot benwu ne yó angat nmò yó kem sendaluen, gotu genbà le yóm syudad ne yóm Gónô Dwata nô lemen. Yóm kmò kkól yóm hol són kdaw, hol lómón ksut dunuk. Angat wen gida efet kól bè sónen, mung du yóm tey keglayam tau lemwót bè yóm kegbà benwu le, yó se yóm tehe deng eles olu Dwata kul.

Amus 9:3

Baluen he ke hebnos le te tfusù Bulul Karmél, olo ke là angat hnebelu kul ne kenfóu lu. Baluen he ke hebnos le ditu tlaan bè sokol mohin, olo ke là angat dóku yóm ulal bong lem mohin mò mékét kul.

Mika 5:3

Yó kem tau Israél, angat tódô bayà Dwata lu elem hólól yó kem hohon le efet kól bè yóm kdaw wen libun kmuleng blututen ne mngà logi. Ominen yó lemwót yó kem tau Israél deng negef le mayuk, tódô le bud mulék ebè yóm hol kul benwu lem blóng yóm kul dumu.

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Matyu 1:25

Okóm song sentungóen, deng sut yóm ngaen logi. Ne yó boluy Jusif du Jisas.

Matyu 12:34

Ya nim yu kem tau, knawa ye ulal. Yó gónón sidek kebkó ye, abay se hono sidek yóm nô lem hendem ye. Yó se nô lem hendem yóm tau, yó se sut bè sumóngen.

Matyu 13:38

Ne yóm dnadu, hningónen yóm klamangen benwu. Ne yóm bnék hyu yó, duhen yó kem tau deng nogot Dwata. Yó hningón yóm kluon gbol lemen, duhen yó kem tau deng nogot Seitan.

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Mark 16:18

Ke gkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen des le, tódô mkó yóm des le.”

Kun Snulat Luk 1:76

Ne omin Sekariya mudél ebè yóm ngaen, monen, “Ne uu, ngà, angat boluy le kóm kun tugod yóm Dwata alì geta bè kdéen. Uu se yóm fen eles tukô gna yóm gónó tekuy mogot mò fen hemtifes yóm lan angat loloen.

Kun Snulat Luk 10:19

Ngem, lemwót bè yóm kwalis deng blayu kuy,” monen, “là kô le bud lóbô bélê ye ne yó kem ulal, anien ke gdà ye lu, dalang se yó kem syufón. Ne balù sentenga se kun kgis yóm hohon tekuy Seitan, là kóen matù bélê ye.

Kun Snulat Luk 22:53

Igò sem ket kdawu du nô lem blóng ye lem yóm Gónô Dwata. Mò ye là tnana kemfô do ditu du? Okóm deng hto ne yóm kuy uras mò du nim nmò ye ni. Ni se kun kdaw Seitan, yóm fen mogot yóm gónón kmifu.”

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Kul Nmò 13:10

“Tauhi Seitan nim uu. Hohonem yó kem kdéen hyu. Són nô bè nawahem yóm ksukatem kem tau. Deng mom henkéngem yóm hol ktahuhen lemwót bè Dwata.

Sulat Pol Ebè Yó Kem Tau Hemtahu Bè Rom 16:20

Tek són Dwata gónón lemwót yóm kenek nawa tekuy. Là buden legen ne yóm kdaen ke Seitan elaan anì laen dù bud gmoen bélê ye. Yó hem gónó tekuy mogot Jisas Krays hol seflós tmóbóng kuy.

Sulat Pol Ebè Yó Kem Tau Hemtahu Bè Rom 3:13

Hono sidek yóm gel kebkó le, hol lómón ke boo bolok lemwót gu lem lebeng. Yóm gel kudél le hono kéng. Tey malas kudél le, lómón kalas yó kem ulal.

Glasya 4:4

Okóm yóm kehto yóm buteng deng tehe fét Dwata, tódô hógówen yóm hol kun Ngà mò na a hbaling ngà tau, bede nan sut bè libun. Bè yóm deng kbongen nim Ngà ni, tódô gotu loloen yóm kum hlau kem tau Ju.

Ifisus 4:8

Lómón yóm tehe monen bè Sulat Dwata, yóm monen, “Bè yóm tehe khawayen etta bè yóm gónón hol geta, gotu nwiten yó kem tey tau wen negefen. Ne bè yó kem kun tau, wen kenhulung blayen kul.”

Kulasi 2:15

Ne bud bè tum tehe katay Krays bè kros, yó se gónón mkó du bè Seitan yóm kun kfasang, ne yóm kul kfasang yó kem dumu mtulus deng genlal Seitan. Gotu hegfanen bè gónón wen yóm deng katuen bélê le.

Hibru 2:18

Ne ni kmoen ni, gbeken tmóbóng yó kem tau ke wen sindil sut bélê le, abay se deng gnómen se kun yóm sindil, ne deng glayam.

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

1 Jan 5:5

Tau du se gembek matù bè yó kem sidek lem nim benwu ni? Tek són yóm tau hemtahu du yóm kngà Dwata ke Jisas.

Deng Hegfan 12:17

Mom temnù kebuten yóm libun yóm swaga yó. Yó nmoen, tódô nan e nwit sgida yó kem tau semfu gu bè yóm libun yó, duhen yó kem tau deng mimón yóm kun hlau Dwata, ne là kóen monol nawa le bè yóm ktahuhen tehe tolok Jisas.

Deng Hegfan 13:7

Ne na tódô bayà Dwata du snéen yóm kwiten sgida bè yó kem tau Dwata ne yóm fen katuen bélê le. Na hlun bud bayà Dwata du se yóm kwalisen mogot kul yó kem tau lemwót bè ket ból tau ne bè ket kay udél ne bè ket but tau.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Deng Hegfan 20:10

Bong ke Seitan kun, yóm deng smukat kul, tódô tudà le elem lanaw ofi, yóm ofi wen kbudahen senflós dmilóf. Bè yó se kul deng gónó nô yóm lóbô tanay sut ne yóm fen gel tmugod du. Bè yó gónó le tendo heslaf seflósen kemdaw ne kifu, ne laen kô dù sónen yóm tendo keheslaf le yó.