Tekang Kbuten 29:8 - Udél Dwata: Gna Kesfasad ne Lomi Kesfasad

⁸ Mon le se, “Là gbek me mò du myó ke là deng le kól bè ni yóm kdéen bung ubiha ne ke là deng lenkà me du yóm botu seng bè bak yóm kokol. Omin me yó he hinum kul.”

Tekang Kbuten 29:8 Iomraidhean Croise

Tekang Kbuten 29:3

Ke deng le gotu stifun bè yó yó kem dumu bung ubiha, bud gel kó yóm tau mentey kul yóm botu sengen anì hinum le lu bè yó. Ke deng deng khinum le kul, omin le bud hulék yóm botu seng le du.

Tekang Kbuten 29:7

Yó mon Jakub mò kul, “Tolo tahà he kdaw, là deng uras ye mit kul mulék he yó kem ubiha ye, mò ye là géhél hinum kul du anì bud hótób ye lu?”

Tekang Kbuten 29:9

Yóm igò le tolo stulón, kól bè yó se Rakél, wen kem ubiha nwiten.

Tekang Kbuten 34:14

Yó mon le mò kul le Sékém, “Là gbek me du ke tô hyehen me yóm kum libun bè yóm logi là tnulien. Ke yó nmò me, hol kenyak bong bélê me.

Tekang Kbuten 43:32

Henken le bè sotu lemisa kun ke Jusif ne fen tólóng lemisa gónó le hemken yó kem twoguhen. Yó kem tau Idyip gel mken bè yó, bud tólóng lemisa se kul gónó mken abay se bè kul adat kenhisik le ke slomong le mken bè yó kem tau Hibru.

Mark 16:3

Bè yóm igò le mógów sónmò le stulón, yó mon le, “Tau du bang tô hefluy tekuy du tum botu seng bè baken tum kilib tu?” Yóm botu mon le yó, tey botu bong. Timbow le kól ditu, deng mom sana tódô mluy.

Kun Snulat Luk 24:2

Yóm deng kkól le ditu, tódô ton le yóm bak kilib deng mom hnas. Deng mluy gu bè baken yóm botu tehe seng le du.

1 Samwél 9:11

Bè yóm igò le tolo mneged bè yóm ngà bulul bè yóm benwu yó, wen kem ngà libun geslong le mangay él ne snólók le lu, “Nô bè ni kô yóm tau gel wen hton Dwata du?”