Tekang Kbuten 29:31 - Udél Dwata: Gna Kesfasad ne Lomi Kesfasad

³¹ Timbow ton Dwata yóm là kbong nawa Jakub ke Liya, yó gónón hwen ngaen ne fen laen duen ke Rakél.

Tekang Kbuten 29:31 Iomraidhean Croise

Tekang Kbuten 11:30

Yóm Saray yehen Abram, atil se kun.

Tekang Kbuten 16:1

Yóm Saray yehen Abram, atil se kun. Okóm wen libun Idyip heseken boluyen Hagar.

Tekang Kbuten 20:18

Yakà deng hatil Dwata lu yó kem libun lem gónô Abimélék lemwót bè yóm kwa Abimélék ke Sara yehen Abraham.

Tekang Kbuten 25:21

Lemwót bè yóm là kngà Ribika, yó gónó Isak mni béléen bè Dwata. Ne bnalà Dwata se yóm hni Isak yó, ne mlutut Ribika.

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 29:30

Bud sentungô Jakub Rakél ne tey kbong nawahen du senta Liya. Ominen yó bud mò nmò bè Laban hitu halay.

Tekang Kbuten 29:32

Mlutut Liya ne mngà logi. Yó monen, “Deng ton Dwata yóm gfau ne mlan bè nim ngau ni angat kenbong nawahen ou yóm tuha logihu.” Ne yó boluyen yóm ngaen sut yó, Rubén.

Tekang Kbuten 30:22

Bè Rakél kun, là kô klifót Dwata du ne bnalaen yóm kun kni ne kóhen béléen yóm katilen anì mngà.

Tekang Kbuten 35:23

Yó ngaen bè Liya, duhen Rubén, du se hol ngà Jakub twogu, ominen tmodol Simyun ne Libay ne Juda ne Isakar ne Sibulun.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Malakay 1:3

Fen là ke Iso ne yó kem lugoden, laen dù nawahu ebélê le. Ne yóm kul bulul gónó nô boluyen Idom deng tódô sulék genbau, henbalingu benwu là hyu menwu du mò gónó le nô yó kem ohu lem bnes,” yó se udél Dwata.

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Matyu 6:24

“Laen dù tau,” mon Jisas, “ke lewu tau gónón mamo segeng gónón mò nmò. Déke mtukul knutó nawahen, ne mtukul se kenbong nawahen. Déke mtukul fen nimónen, ne mtukul se fen sen-gilen. Dalang se kuy,” mon Jisas, “ke són filak ktes ye, là kô gbek ye mimón ke Dwata.

Kun Snulat Luk 1:7

Són duen là mngà le, abay se atil yóm Ilisabét, ne bè yóm kdaw yó, deng tey ktuha le yóm lewu le.

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Kun Snulat Jan 12:25

Yóm tau, ke són ktesen yóm klowilen te tonok, angat lanahen yóm klowilen yó. Okóm yóm tau ke là ktesen du yóm klowilen te tonok, angat gutahen yóm klowil laen dù tul sónen.

Kul Nmò 7:8

Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.

Rut 4:13

Duhen yó, nwit Buas Rut ebè gónóen mò yehenen. Mlan bè yóm któbóng Dwata ke Rut, ominen mlutut ne mngà logi.

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”

1 Samwél 1:27

Tehe hnihu bè Dwata nim ngà ni ne tahu se blayen do.

1 Samwél 1:5

Okóm ke Hana kun, lemwót bè yóm tey kbong nawahen du tey gulé yóm kun umun balù yóm klaen dù ngà deng blay Dwata du.

1 Samwél 2:21

Tahu se, tey któbóng Dwata ke Hana bud wen ngà blayen du, tlu logi ne lewu libun. Okóm ke Samwél, tódô lenoken bè solu Dwata.