Tekang Kbuten 29:25 - Udél Dwata: Gna Kesfasad ne Lomi Kesfasad

²⁵ Yó he ketngón Jakub du Liya yóm deng sentungóen, deng mwas. Ominen mógów ebè Laban ne monen mò du, “Moen de ke ni nmoem béléu? Yó gónóhu mò nmò béléem anì gyehenu Rakél. Moen se ni du ke snukatem ou?”

Tekang Kbuten 29:25 Iomraidhean Croise

Tekang Kbuten 12:18

Omin Faro tminok ke Abram ne yó monen mò du, “Moen de ke ni nmoem béléu? Moem là tódô tmulón du dou du ke du yehenem?

Tekang Kbuten 20:9

Omin Abimélék htaba ke Abraham, ne monen mò du, “Tedu de nim deng nmoem bélê me ni? Tedu de deng nmou béléem sidek gónóm mò du bélê me nim ni? Moen ke lómón ni yóm salà hbóem dou dalang se yóm benwu nogotu? Là kóen hyu yóm deng nmoem béléu ni.

Tekang Kbuten 26:10

Yó udél Abimélék, monen, “Moen ke gbek nmoem bélê me nim ni? Ke deng wen semtungô du, uu se gónón lemwót yóm tey kegsalà me.”

Tekang Kbuten 29:16

Yóm Laban ni, wen lewu ngaen libun. Yó boluy yóm twogu, Liya, ne yóm twoli, Rakél.

Tekang Kbuten 29:24

Hyu sù Laban bè Liya yóm libun heseken boluyen Silpa mò gel dóken.

Tekang Kbuten 29:26

Bnalà Laban se, monen, “Là kum adat du dini ke hegna hyehen me yóm twoli bè yóm twogu.

Tekang Kbuten 31:26

Bè yóm keston le, yó udél Laban ebè Jakub, monen, “Tey Tò, moen de ke tódói hlana, tódô nówóngem yó kem ngau libun? Hol lómó kmoem kul kem libun negef bè gida.

Tekang Kbuten 31:7

Ewenem yó, mom snukaten ou ne botong sfolò duléken tendo temles yóm kmò ksukéyen dou. Okóm là hlus Dwata du béléen ke hensideken ou.

Kem Udél Hlalak Tehe Selumun 11:31

Ke guta le ulék yóm deng nmò le bè ni te tonok yó kem tau tedeng kmò le milud he kul yó du kem tau gel mò sidek ne kem tau gemsalà.

Matyu 7:12

Yó se nóyô ye nmò tau bélê ye, yó se kuy nmò bélê le. Ni se hol lemen yóm tehe hlau Musis dalang se yóm kul tolok yó kem gna tugod Dwata ekni.”

Matyu 7:2

Bè yóm gel kmò kehedeng ye yóm kul kmò kem dumu ye, bud lómón yó se angat kmò kehedeng Dwata du yóm kuy kmò. Yó se nmò ye bè yó kem dumu ye, bud yó se angat nmò Dwata bélê ye.

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

1 Kurin 3:13

Bè yóm kdaw kdà tekuy bè solu Krays, yó he kegfanen yóm deng leket tekuy du yó koni, ke hyu duhen ke là. Bè yóm kdaw yó, wen ofi gónó le tmilów du yóm gel nmò ket tau, nénég le ke là mlóben.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Rut 4:11

Ne mon yó kem tuha ne kem dumu tau hmungol du, “El, mi se deng gemtanud du. Dwata he hol hból lówóhen yóm libun yehenem lómón yóm tehe kehbólen lówó le Rakél ne Liya yó kem libun alì wen ngà Jakub bélê le. Balingi kwasa he lem blóng yó kem kóm kwen kem tau semfu bè Ifrat ne balingi tótól he bè ni bè Bitlihim.

1 Samwél 28:12

Tikóng ton yóm libun yó lóyóf Samwél tódô lemangat, monen, “Moen ke snukatem o, uu se Sol?”