Tekang Kbuten 29:20 - Udél Dwata: Gna Kesfasad ne Lomi Kesfasad

²⁰ Tahu se, botong hitu halay Jakub mò nmò bè Laban anì gyehenen Rakél. Bè kegnóm Jakub du yóm hitu halay, lómón ke tek likóten lemwót bè yóm tey óyóen ke Rakél.

Tekang Kbuten 29:20 Iomraidhean Croise

Tekang Kbuten 24:67

Omin Isak mit ke Ribika ebè yóm gónô tehe gónón nô Sara, yóm yéen ne syehen le. Tey kbong nawa Isak ke Ribika ne yó se hemyu nawan bè yóm klangagen ke yéen.

Tekang Kbuten 29:19

Bnalà Laban se, monen, “Mom hyu nawahu ke hyehenu kóm Rakél senta ke hyehenu bè dumu tau. Nahi tódô nô béléu bè ni sen.”

Tekang Kbuten 29:27

Nahem na hangat kdeng yóm fedyan kmò tekuy ken ni, ominu yó bud hyehen du kóm Rakél. Okóm bud hitu halayem mò nmò béléu.”

Tekang Kbuten 29:30

Bud sentungô Jakub Rakél ne tey kbong nawahen du senta Liya. Ominen yó bud mò nmò bè Laban hitu halay.

Tekang Kbuten 31:15

Hol lómón ke tólóng me tau se kum. Deng hbaluen se mi ne deng gotuhen yóm filak bli lówó me, laen kô dù olò kum du.

Tekang Kbuten 34:19

Lemwót bè yóm alì kbong nawa Sékém ke Dina, tódô kendel nmoen yóm hmò le du yó kem logi Dina. Yóm Sékém ni, du se hol nadat yóm kdê fes lówóhen.

1 Kurin 13:7

Lemwót bè yóm kesbong tekuy nawa yó, gbek tekuy hembala du balù kihu sut bélê tekuy. Ne là kóen skó yóm kehtahu tekuy bè yóm gónó tekuy mogot, ne yóm tendo hendón tekuy béléen, ne yóm kanay nawa tekuy bè kem dumu tekuy.

2 Kurin 5:14

Là kô gbek me du ke là nmò me du nim nmò me ni lemwót bè yóm kbong nawa Krays tekuy. Deng hol mtukul ketngón me du ne yóm deng katay yóm sotu tau mò leyu lówó yóm kdéen tau. Bè yóm tehe katayen, hol lómón ke deng tekuy gotu gomong matay béléen.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

1 Samwél 18:23

Tahu se, tikóng tulón yó kem tóbóng lówó Sol ke Dabid nim ni, yó balà Dabid kul, monen, “Là kô gbeku du smunggud ke Sol. Tauhe élél se do ne tau laen dù boluyen.”