Tekang Kbuten 29:2 - Udél Dwata: Gna Kesfasad ne Lomi Kesfasad

² Bè yó bè yóm gónón hnas, wen kokol tonen ne wen tlu bung ubiha hlilil gu hilolen abay se bè yó gónó le gel hinum kul. Uma kóm wen botu seng le bè bak yóm kokol yó.

Tekang Kbuten 29:2 Iomraidhean Croise

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:11

Bè yóm kkólen ditu, gotu hefenen yó kem kamél moni bè yóm kokol nô bè lewà yóm syudad yó. Uma kóm, deng móyón kimel ne, uras le mangay él yó kem libun.

Tekang Kbuten 24:13

Ni denge nô bè nim kokol gónó le gel mangay él yó kem sawang libun bè nim syudad ni.

Tekang Kbuten 29:3

Ke deng le gotu stifun bè yó yó kem dumu bung ubiha, bud gel kó yóm tau mentey kul yóm botu sengen anì hinum le lu bè yó. Ke deng deng khinum le kul, omin le bud hulék yóm botu seng le du.

Kem Lingón 23:2

Yóm kesegyoken dou, hol lómón ke yóm tau tilob kesegyoken yó kem ógófen. Sal gel hótóben lu bè yóm gónóhen mabù bnes efet le tódô tmakas, ne tódô le kem hlilil hegnô. Sal gel nalaken lu ebè yóm él tikaw mò gónóhen hinum kul. Hol lómón yó se kesegyok Dwata dou.

Isaya 49:10

Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Kun Snulat Jan 4:6

Bè yó gónóhen nô yóm kokol tehe Jakub. Nan slob hegnô bè yó Jisas bè yóm kokol yó, abay se alì sidek klitegen bè yóm kógówen. Deng gtungu ne kdaw yóm kkólen bè yó.

Deng Hegfan 7:17

Abay se yóm Ngà Ubiha, yóm fen mdà bè solu yóm gónón myón yóm fen kmamal, du se yóm fen gel semgyok kul. Ne angat nalaken lu ebè yóm tbul él, yóm él mò hlowil kul. Ne angat gotu nifu Dwata yóm lewok bè mata le.”

Kmukum 5:11

Henklingu ye lu dé yó kem tau hmilol kokol. Sentulón le yóm deng kegmò Dwata bè yó kem hohonen ne yóm deng kegmò yó kem tau Israél. Ne yó kem kun tau Dwata, bud le stifun bè bak tikeb yóm syudad le, sentulón le yóm deng kegmò Dwata.