Tekang Kbuten 29:13 - Udél Dwata: Gna Kesfasad ne Lomi Kesfasad

¹³ Timbow gungol Laban se kun yóm tulón ngaen libun gbak ebè Jakub, ominen mlóy nan e senlong, tey kekefen du lelen melek du ne nwiten ebè gónóen. Timbow deng gotu tulón Jakub ke Laban yóm kdéen,

Tekang Kbuten 29:13 Iomraidhean Croise

Tekang Kbuten 24:29

Yóm Ribika ni, wen logihen boluyen Laban. Bè yóm kungolen du yóm tulón Ribika yó, tódô hetlasik mlóy etu ebè kokol bè gónón nô yóm tóbóng lówó Abraham.

Tekang Kbuten 24:31

Yó udél Laban ebéléen, monen, “Géhéli, mungi dou ebè gónô, yakà uu du yóm tau deng tnóbóng Dwata. Béi tlek mdà bè ni. Deng wen dfél hentifesu bélê ye bè gónô ne wen mò gónó le nô yó kem kamélem.”

Tekang Kbuten 24:32

Tahu se, mung ebè gónô le yóm tau tóbóng lówó Abraham yó ne yó kem dumuhen ne gotu ntó le Laban yó kem lulón yó kem kamél ne omin le bemlay kul ken. Ominen wen él blay le yóm tau tóbóng lówó Abraham ne yó kem dumuhen mò olob ti le.

Tekang Kbuten 33:4

Okóm ke Iso kun, tódô mlóy ebè Jakub nan e lenagaf lenkef ne neleken. Ya tey keskik le.

Tekang Kbuten 45:15

Omin Jusif sket lemkef ne melek yó kem twoguhen bè yóm igoen mkik. Kogol yóm keskik le, omin le mbut stulón du yó kem twoguhen.

2 Samwél 19:39

Omin le gotu mifal Él Jurdan yóm kdéen tau, ne mifal se kun ke Dabid. Nahen nelek Barsilay, ominen mni béléen bè Dwata. Omin Barsilay mulék ebè yóm kun benwu.

Kehewà 18:7

yó gónó Musis hewà nan e senlong lu. Bè yóm keston le tódô hegdungul bè solu tuónen Musis, ominen melek du. Ne ssólók le yóm lewu le gbak bè kmò le. Omin Musis mit kul ebè yóm kun gónó nô.

Kehewà 4:27

Bè yóm tolo knô le bè lan yó, deng eles stulón ke Aron Dwata, monen mò du, “Senlongem Musis bè yóm benwu laen hol wen tauhen.” Tahu se, senlongen bè yóm bulul Dwata. Bè yóm ktonen du tey kligalen, botong neleken.

Kun Snulat Luk 7:45

Là kô dog nelekem do yóm kotunu béléem, igoen yó sana kut gel kesfódó. Là kun nim libun nii, tódô mung bè khuseku, là kô dog kóhen du keleken tihu.

Kul Nmò 20:37

Ya tey sidek keskik le ke Pol yó kem tau bè yó. Tódô sensekef le lel le melek du.

Sulat Pol Ebè Yó Kem Tau Hemtahu Bè Rom 16:16

Ne sok ye gel stifun yóm kdê ye bè yó, hol ye gel sfódó se kuy. Kdê yó kem benwu gónón wen hemtahu bè Krays bè ni, tey gel kehedem le kuy se kul.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.