Tekang Kbuten 29:1 - Udél Dwata: Gna Kesfasad ne Lomi Kesfasad

¹ Ngang Jakub mógów efet kól bè yóm benwu fi dmata kdaw.

Tekang Kbuten 29:1 Iomraidhean Croise

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 25:20

Deng fat folò ne halay Isak bè yóm kyehenen ke Ribika yóm ngà Bituél libun. Yóm Bituél tau Aramiyan lemwót bè Misuputamya. Yóm Ribika twoli Laban.

Tekang Kbuten 25:6

Okóm bè yóm tolo klowilen, wen se blayen bè yó kem dumu ngaen bè yó kem dumu yehenen boluy le Hagar ne Kitura. Yó kem ngaen bè Kitura, fen hbenwuhen lu bè yóm benwu fi dmata kdaw, hlayuken lu bè yóm ngaen Isak.

Tekang Kbuten 35:1

Yó udél Dwata ebè Jakub, monen, “Ó Jakub, géhéli mili ebè Bétél ne menwuhi bè yó. Budi semsodò botu mò gónóm demsù ebéléu bè yó. Ou se yóm Dwata tehe hegfan béléem bè yóm tehe kehlóyem hlayuk bè twoguhem Iso.”

Tekang Kbuten 35:7

Omin Jakub semsodò botu bè yó mò gónón demsù ebè Dwata ne yó boluyen du yóm benwu yó, “Bétél, kun benwu Dwata,” abay se bè yó tehe gónó Dwata hegfan béléen bè yóm tehe kehlóyen hlayuk bè twoguhen.

1 Bok Kem Tau Hol Geta 4:30

Yóm khulung Selumun hedem, hol mkay senta yóm kdê tau temngón fi dmata kdaw ne kem tau temngón bè Idyip.

Kem Lingón 119:32

Ke tnóbóngem ou, hotuhu gelu lemolò du yó kem hlauhem,

Kem Lingón 119:60

Là kóe tlek hanggà, tódô kendel nimónu yó kem hlauhem.

Lista 23:7

Yó udél htugod Dwata ke Balaam, monen, “Yó hfangay do lemwót bè Sirya, gu bè yó kem bulul fi dmata kdaw duhen Balak yóm tau hol geta bè Muab. Yó tinoken ebéléu, monen, ‘Nam mógów do edini, nam mudél do. Henmulaem lu do yó kem tau Israél.’

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.

Kmukum 6:33

Là legenen bè yó, gotu le stifun yó kem kdéen tau Midyan ne yó kem tau Amélék ne yó kem dumu tau nô bè yóm benwu laen hol wen tauhen fi dmata kdaw Él Jurdan, omin le mifal yóm Él Jurdan na le e kmamfù bè Datal Jisriil.

Kmukum 7:12

Gotu le lememek kmamfù bè yó bè datal yó kem tau Midyan ne yó kem tau Amélék ne yó kem tau lemwót bè yóm benwu laen hol wen tauhen fi dmata kdaw Él Jurdan. Lómón kwen le lómón tlangas lememek te tonok. Yóm kwen yó kem kamél le lómón kwen le helek bè kilil mohin, là gbekem msó kul.

Kmukum 8:10

Blaem lemwót yóm lewu kem tau hol geta bè Midyan, le Siba lewu le Salmuna, deng le nô ditu bè yóm sotu benwu boluyen Karkur, mung kul yó kem sendalù le. Yó kem sendalù dù tebel lemwót bè yóm benwu laen hol wen tauhen fi dmata kdaw Él Jurdan ne tek le sfolò limu libu duen. Deng le gotu matay yóm lematu lewu folò libu kem dumu le.