Tekang Kbuten 28:2 - Udél Dwata: Gna Kesfasad ne Lomi Kesfasad

² Yake tódói mógów etu bè Misuputamya, bè benwu téméem Bituél ne mebeli yehen bè yó kem ngà libun mà diem Laban.

Tekang Kbuten 28:2 Iomraidhean Croise

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:29

Yóm Ribika ni, wen logihen boluyen Laban. Bè yóm kungolen du yóm tulón Ribika yó, tódô hetlasik mlóy etu ebè kokol bè gónón nô yóm tóbóng lówó Abraham.

Tekang Kbuten 24:4

Holi mógów dou ebè yóm benwu tehe gónóhu sut, ne mebeli dou libun bè yó kem dou kwen mò yehen Isak.”

Tekang Kbuten 24:50

Mudél se Laban lewu le Bituél yóm maen, mon le, “Yóm deng tulónem kum ni lemwót bè Dwata, laen kat alì kmon te du.

Tekang Kbuten 25:20

Deng fat folò ne halay Isak bè yóm kyehenen ke Ribika yóm ngà Bituél libun. Yóm Bituél tau Aramiyan lemwót bè Misuputamya. Yóm Ribika twoli Laban.

Tekang Kbuten 28:5

Tahu se, hewót Isak Jakub ebè Misuputamya, ebè Laban yóm ngà Bituél yóm tau Aramiyan. Yóm Laban logi Ribika, yóm yê le Jakub lewu le Iso.

Tekang Kbuten 29:1

Ngang Jakub mógów efet kól bè yóm benwu fi dmata kdaw.

Tekang Kbuten 32:10

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Tekang Kbuten 33:18

Bè yóm kulék Jakub gu bè Misuputamya yó ne efet bè yóm kkólen bè syudad Sékém bè benwu Kanan, laen kô dù hemenen. Ne yó gónón kmamfù moni bè yóm syudad Sékém.

Tekang Kbuten 35:9

Bè yóm deng kulék Jakub gu bè Misuputamya yó, bud hegfan béléen Dwata ne bud wen oluhen du.