Tekang Kbuten 28:19 - Udél Dwata: Gna Kesfasad ne Lomi Kesfasad

¹⁹ Yó boluyen du yóm benwu yó, Bétél. Yó tehe boluyen yóm benwu yó, Lus.

Tekang Kbuten 28:19 Iomraidhean Croise

Tekang Kbuten 12:8

Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó.

Tekang Kbuten 28:11

Bè yóm kógówen yó, tódô senflósen mógów efet sdef kdaw. Wen benwu udi bè lan gónón slob tungô. Tódô hlilil bè yó, tdananen botu.

Tekang Kbuten 31:13

Ou se yóm Dwata tehe hegfan béléem bè Bétél, yóm tehe gónóm hemdà botu ne wen hnolo twélem tahen mò heftulón du bè nawam ne deng wen fasad mget nmoem béléu bè yó. Yó ne, htifesi anì budi mulék ebè yóm benwu tehe gónóm sut.’ Yó se yóm hekna Dwata dou,” mon Jakub.

Tekang Kbuten 35:1

Yó udél Dwata ebè Jakub, monen, “Ó Jakub, géhéli mili ebè Bétél ne menwuhi bè yó. Budi semsodò botu mò gónóm demsù ebéléu bè yó. Ou se yóm Dwata tehe hegfan béléem bè yóm tehe kehlóyem hlayuk bè twoguhem Iso.”

Tekang Kbuten 35:14

Bè yóm gónó Dwata mudél ebéléen yó koni, wen botu hteg Jakub mò heftulón du bè nawahen. Ne wen yóm gel ninum le ne yóm hnolo ulib twélen tahen mò gónón hetfing du ebè Dwata.

Tekang Kbuten 35:15

Yó boluyen du yóm benwu yó, Bétél.

Tekang Kbuten 35:6

Bè yóm kewót le Jakub ne yó kem tauhen, ngang le mógów efet le kól bè yóm benwu boluyen Lus. Ne ni kmoen ni, yó boluyen yóm benwu yó, Bétél, benwu snakuf Kanan.

Tekang Kbuten 35:7

Omin Jakub semsodò botu bè yó mò gónón demsù ebè Dwata ne yó boluyen du yóm benwu yó, “Bétél, kun benwu Dwata,” abay se bè yó tehe gónó Dwata hegfan béléen bè yóm tehe kehlóyen hlayuk bè twoguhen.

Tekang Kbuten 48:3

Yó monen mò ke Jusif, “Ó Ngà, yóm tehe knóu bè Lus bè benwu Kanan, hegfan béléu yóm Dwata laen dù là gbeken du ne wen oluhen dou.

1 Bok Kem Tau Hol Geta 12:29

Lemwót yóm sotu safì tahu blówón yó suen bè Bétél yóm benwu hol fi leged lem yóm kun benwu nogot, ne yóm sotuhen suen bè benwu Dan yóm benwu nô fi bwak lem yóm benwu nogoten.

2 Bok Kem Tau Hol Geta 2:2

Yó mon Ilaydya mò ke Ilaysa, “Tebeli bè ni ne kóm, abay se hógów Dwata o etu bè Bétél.” Okóm yó balà Ilaysa du, monen, “Safau bè yóm Dwata là matayen ne safau bè yóm kóm klowil se kóm, là kô naw e tnagak kóm.” Tahu se, hlós le slomong ebè Bétél.

2 Tutul Israél 13:19

Ktes Abidya ne yó kem sendaluen Jirubuam mung du yó kem sendaluen, ne wen kem syudad gwa le Abidya béléen, duhen yóm benwu Bétél ne Jisana ne Ifron, gomong yó kem benwu snakuf le hmilol kul.

Husiya 4:15

Balù yó ne yóm benwu Israél lómón ke libun hdóyón, là teneben béléu, olon se benwu Juda ne ke hol béen abay gbót mò du kun yóm yó. Bê ye abay mógów ebè Gilgal bè benwu Israél duhen ke bè Bét-abén ke tô tnaba ye o bè yó. Ne bê ye abay gbót smafà ditu ke mon ye, ‘Mlan bè boluy yóm Dwata mowil’ abay se olon te kulit yóm nmò le yó.

Juswa 8:12

Wen dô limu libu sendalù deng eles hebnos ditu fi desdef yóm syudad yó bè blóng Ay bè Bétél.

1 Samwél 10:3

Bud kewót ye bè yó efet ye gefet bè yóm koyu ok bè benwu Tabor. Bè yó angat wen tlu tau semlong kuy, kem tau mógów ebè Dwata bè Bétél. Yóm sotu, wen tlu ngà kambing nalaken ne yóm sotu wen tlu mambang tahà nwiten, ominen yóm sotu wen sning kulit ógóf hnok tifas nwiten.

1 Samwél 7:16

Ket halayen hmalak yó kem benwu bè Israél na a kmukum, hegnahen bè Bétél tmodol Gilgal, ominen bè Mispa.