Tekang Kbuten 28:18 - Udél Dwata: Gna Kesfasad ne Lomi Kesfasad

¹⁸ Timbow hol hlafus bè yó, tódô kendel btik Jakub ne ominen ma yóm botu tehe tdananen ne hdaen eta mò hlós ilóen du bè yóm benwu yó gónón hegfan béléen Dwata. Ominen temwél du hnolo ulib mò ilô yóm kehetfingen du ebè Dwata.

Tekang Kbuten 28:18 Iomraidhean Croise

Tekang Kbuten 21:14

Hlafus hayahen bè yó, hewót Abraham Hagar lewu le yóm ngaen. Wen ken hebnotuhen du ne hesléhen du yóm sning kulit ógóf hnok él. Ngang le mógów efet le tódô tabag tmimbul lem yóm benwu là hyu menwu du boluyen Birsiba.

Tekang Kbuten 22:3

Tahu se, hol hlafus bè yó, wen koyu nsô Abraham mò snuken yóm hedsù Dwata du. Ominen lemulón du ta yóm kudà asnu ne niten Isak. Ne wen lewu bè yó kem gel tóbóng lówóhen bud nwiten. Mógów le ebè yóm benwu deng tulón Dwata du.

Tekang Kbuten 28:11

Bè yóm kógówen yó, tódô senflósen mógów efet sdef kdaw. Wen benwu udi bè lan gónón slob tungô. Tódô hlilil bè yó, tdananen botu.

Tekang Kbuten 31:13

Ou se yóm Dwata tehe hegfan béléem bè Bétél, yóm tehe gónóm hemdà botu ne wen hnolo twélem tahen mò heftulón du bè nawam ne deng wen fasad mget nmoem béléu bè yó. Yó ne, htifesi anì budi mulék ebè yóm benwu tehe gónóm sut.’ Yó se yóm hekna Dwata dou,” mon Jakub.

Tekang Kbuten 31:45

Tahu se, ma sotu botu Jakub ne hdaen eta mò gel heftulón du bè nawa le yóm senfasad le.

Tekang Kbuten 35:14

Bè yóm gónó Dwata mudél ebéléen yó koni, wen botu hteg Jakub mò heftulón du bè nawahen. Ne wen yóm gel ninum le ne yóm hnolo ulib twélen tahen mò gónón hetfing du ebè Dwata.

Tekang Kbuten 35:20

Omin Jakub hemdà sotu botu bè yó mò heftulón du bè nawan. Efet yóm kmoen ni, yóm botu yó ilô yóm gónón lebeng Rakél.

2 Samwél 18:18

Bè yóm hanà tolo klowil Absalum, wen kun ilô hdà bè Datal Tau Geta, yó monen, “Laen dù ngau logi mò mit du yóm dou boluy mò hentulón nawa le.” Boluy yóm hehek yó yóm kun boluy. Efet nim kmoen ni, yó taba le du Hehek Absalum.

Kem Lingón 119:60

Là kóe tlek hanggà, tódô kendel nimónu yó kem hlauhem.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Isaya 19:19

Ke sok kól yóm kdaw yó, wen mò gónó le gel demsù ebè Dwata bè yó bè Idyip ne wen botu tmahà hdà le bè kilil yóm tonok Idyip mò ilô yóm deng kehtahu le bè Dwata.

Juswa 4:9

Dalang se ke Juswa, wen sfolò lewu botu sensodoen bè hol gónón sóól lel yóm Él Jurdan bè yóm gónó le mdà yó kem tau fen mit yóm Slungan Fasad. Ni kmoen ni sana tolo knô le bè yó he yó kem botu yó.

1 Samwél 7:12

Omin Samwél ma yóm sotu botu bong ne suen bè blóng le benwu Mispa yóm benwu Jisana ne yó boluyen du, Ibinisér. Yó lanen, “botu tóbóng.” Yó mon Samwél, “Efet ni kmoen ni yóm któbóng Dwata kum.”