Tekang Kbuten 28:17 - Udél Dwata: Gna Kesfasad ne Lomi Kesfasad

¹⁷ Botong likò Jakub, monen, “Yéy, benwu du mni. Deng bè ni dilóu gónó Dwata nô ne bè ni gónóhen nô yóm bak tikeb mógów ebè longit.”

Tekang Kbuten 28:17 Iomraidhean Croise

Tekang Kbuten 28:18

Timbow hol hlafus bè yó, tódô kendel btik Jakub ne ominen ma yóm botu tehe tdananen ne hdaen eta mò hlós ilóen du bè yóm benwu yó gónón hegfan béléen Dwata. Ominen temwél du hnolo ulib mò ilô yóm kehetfingen du ebè Dwata.

Tekang Kbuten 28:22

Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”

2 Tutul Israél 5:14

Là kô gbek le bud mò du yóm gel nmò le lemen yó kem tau gel blóng ebè Dwata, abay se deng tódô tfeng yóm tey keslinang Dwata lem yóm kun Gónô.

Kem Lingón 68:35

Tey knikò yóm Dwata nô lem yóm kun Gónô, yóm Dwata yó kem tau Israél. Du se bemlay kfasang ne kgis bè yó kem tauhen. Hol megdóyón yóm Dwata.

Kehewà 3:5

Bud mon Dwata, “Béi hloni edini. Kóhem tlumfaem abay se dengi mdà bè yóm gónóhu nô.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Matyu 17:6

Bè yóm kungol le yóm udél yó, tódô le gotu hegluduk lemfen bè tonok yó kem tau mung ke Jisas, ya tey sidek klikò le.

Kun Snulat Luk 2:9

Bè yóm kifu ksut Jisas, tódô sut lem blóng le yóm hógów yóm gónó le mogot gu bè longit. Tey kehlayag Dwata du yóm gu hmilol kul, ne ya tey sidek klikò le.

Kun Snulat Luk 8:35

Mung kungol kem tau du nim tulón ni, tódô le gotu seguku gu ditu na le e hnénég yó kem deng tulón le kul. Timbow le gdofì bè Jisas, tódô ton le se yóm tau tehe nalak busaw myón klohoken. Deng bud lemsek nes, ne deng bud hyu kehedemen. Ya tey klikò le yó kem tau sguku ebè yó yó.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

Hibru 10:21

Tey geta yóm fen semblóng tekuy ebè Dwata, yóm fen mogot du yóm kun gónô Dwata.

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Kmukum 13:22

Yó mon Manu mò ke yehenen, “Bang katay te ni abay se deng ton te Dwata.”