Tekang Kbuten 28:16 - Udél Dwata: Gna Kesfasad ne Lomi Kesfasad

¹⁶ Omin Jakub btik. Yó udélen, monen, “Deng duhen bè ni gónóhen nô Dwata ne là kô tngónu du.”

Tekang Kbuten 28:16 Iomraidhean Croise

1 Bok Kem Tau Hol Geta 3:15

Tódô gebtik Selumun, anì monem olo knahen. Ominen mulék ebè Jirusalim, ne mdà bè solu yóm Slungan Dwata, bè yó gónón demsù yó kem dsù gel hkekeb le ebè Dwata, ne yó kem dsù mit sefyu ebè Dwata. Ominen gotu tminok yó kem genlalen ebè yóm ken bong nmoen.

Job 33:14

Igò Dwata senflós tendo mudél ebélê tekuy, okóm laen dù tau hmungol du.

Kem Lingón 139:7

Là kô gbeku hembnos du yóm Tulusem ne là se gbeku hemlóy kóm.

Kem Lingón 68:35

Tey knikò yóm Dwata nô lem yóm kun Gónô, yóm Dwata yó kem tau Israél. Du se bemlay kfasang ne kgis bè yó kem tauhen. Hol megdóyón yóm Dwata.

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Kehewà 3:4

Timbow ton Dwata yóm tô kehloni Musis edu, yó gónón mudél ebéléen gu lem yóm ngà koyu yó, monen, “Ó Musis! Ó Musis!” Bnalà Musis se, “Ni ou.”

Kehewà 3:5

Bud mon Dwata, “Béi hloni edini. Kóhem tlumfaem abay se dengi mdà bè yóm gónóhu nô.

Isaya 8:13

Ni hol suem bè nawahem, tek sónen o yóm Dwata laen dù là gbeken du yóm laen kô dù belenen. Olon ou dé yóm hol knikoem.

Jirimaya 31:26

Ominu yó btik ne temngele gu hmilol. Deng tey tilob yóm ktungóu.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”

Juswa 5:15

Ne yó monen mò du yóm kmandér yó koni, “Kóhem tlumfaem, abay se dengi mdà bè yóm tonok gónóhu nô.” Tahu se, nmò Juswa yóm monen mò du.