Tekang Kbuten 28:15 - Udél Dwata: Gna Kesfasad ne Lomi Kesfasad

¹⁵ Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Tekang Kbuten 28:15 Iomraidhean Croise

Tekang Kbuten 21:20

Bè yóm deng kenok Ismaél, eles tendo nô béléen Dwata. Tódô nô bè yóm benwu laen hol wen tauhen boluyen Paran. Hlós baling tau alì hulung mogot boho ne gemtì.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 31:13

Ou se yóm Dwata tehe hegfan béléem bè Bétél, yóm tehe gónóm hemdà botu ne wen hnolo twélem tahen mò heftulón du bè nawam ne deng wen fasad mget nmoem béléu bè yó. Yó ne, htifesi anì budi mulék ebè yóm benwu tehe gónóm sut.’ Yó se yóm hekna Dwata dou,” mon Jakub.

Tekang Kbuten 31:3

Omin Dwata mon du, “Ó Jakub, budi mulék ebè benwu yó kem fuem ne ebè yó kem dumuhem setwoli. Elese tendo nô béléem.”

Tekang Kbuten 31:5

Bè yóm kkól le bè yó, yó mon Jakub mò kul, “Deng dilóu bè mà ye yóm là bud hol kgulit kmoen ebéléu, là mkélen bè yóm gnan. Okóm yóm Dwata tendo kun lolò mà eles tendo nô béléu.

Tekang Kbuten 32:9

Omin Jakub mni bè Dwata, yó monen, “Ó Dwata, hol hnungolem ou. Uu se Dwata téméu Abraham ne mau Isak. Uu se mdók dou mulék ebè dou benwu ne ebè yó kem dou dumu ne deng fasadem dou se yóm klaen dù hemenu bè yóm kuléku.

Tekang Kbuten 35:3

Mdó tekuy bè ni,” mon Jakub, “ne mógów tekuy etu bè Bétél. Bè yó gónóhu mò du yóm mò gónó demsù ebè Dwata, yóm Dwata tehe tmóbóng dou bè yóm tehe kwen gfau, ne deng eles tendo nô béléu snéen kihu gónóhu e solu.”

Tekang Kbuten 39:2

Bè yóm kbaling Jusif hesek bè Putifar tendo eles nô béléen Dwata, yó gónón hyu uléken bè ket yóm gel nmoen. Tódô nô bè yó bè gónô yóm tau Idyip amohen.

Tekang Kbuten 39:21

Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Tekang Kbuten 46:4

Munge kóm etu ne angat bud nitu lu semfulék ebè yóm tonok ni yó kem semfu gu béléem. Okóm kóm du, angati matay bè yó bè Idyip ne bè yóm angat kilot nawahem eles nô klohokem Jusif.”

Tekang Kbuten 48:16

Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

1 Bok Kem Tau Hol Geta 8:57

Yó hem sana kut Dwata hol gónó mogot tendo nô bélê tekuy lómón yóm tehe knóen bè yó kem tehe fù tekuy ekni. Hni me béléen anì là kô nan e bayà tekuy,

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

Kem Lingón 91:11

Yakà wen hógów Dwata gu bè longit mò mentey kóm balù kihu gónóm e solu.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Jirimaya 1:19

Angat natù le uu, okóm là kô gbek le kóm. Yakà tendohe nô béléem ne tendo kenlungu uu. Ou se yóm sana Dwata hol gónó mogot nim mudél ni.”

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Lista 6:24

‘Dwata he tendo muyag kuy ne kmudung kuy.

Matyu 18:20

Baluen he ke tek lewu duhen ke tlu tau stifun mlan bè dou boluy, senged knóu bélê le.”

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Dwata 31:6

Hol ye eles htigel ne hol hfól ye nawa ye. Bê ye abay hlikò bélê le. Kaem yóm sana kuy Dwata hol gónó mogot tendo nô bélê ye. Là kô tnagaken kuy ne là se bayaen kuy.”

Dwata 31:8

Dwata he fen tukô gna kóm ne tendo nô béléem. Là kô tnagaken kóm ne là kô bayaen kóm. Yó gónóm mon, hol hfólem nawam ne béi abay hlikò.”

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Juswa 1:5

Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

Kmukum 6:16

Bnalà Dwata se, monen, “Kaem gbekem hewà kul abay se ou tmóbóng kóm. Yóm klahilem gemlà kul hol lómón ke tek sotu tau gnidahem.”