Tekang Kbuten 28:13 - Udél Dwata: Gna Kesfasad ne Lomi Kesfasad

¹³ Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 28:13 Iomraidhean Croise

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 13:15

Yó se gónón e són matahem blayu kóm ne bè yó kem semfu gu béléem. Laen sónen yóm kfunem du.

Tekang Kbuten 13:17

Yó ne, lemwóti, bniwelem klamang nim tonok ni abay se gotu blayu kóm yóm klamangen.”

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 28:4

Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”

Tekang Kbuten 31:13

Ou se yóm Dwata tehe hegfan béléem bè Bétél, yóm tehe gónóm hemdà botu ne wen hnolo twélem tahen mò heftulón du bè nawam ne deng wen fasad mget nmoem béléu bè yó. Yó ne, htifesi anì budi mulék ebè yóm benwu tehe gónóm sut.’ Yó se yóm hekna Dwata dou,” mon Jakub.

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Tekang Kbuten 31:5

Bè yóm kkól le bè yó, yó mon Jakub mò kul, “Deng dilóu bè mà ye yóm là bud hol kgulit kmoen ebéléu, là mkélen bè yóm gnan. Okóm yóm Dwata tendo kun lolò mà eles tendo nô béléu.

Tekang Kbuten 31:53

Yó hem kul Dwata le Abraham ne Nahor mò fen angat kmukum kut ke nulé te yóm deng senfasad te ni.” Tahu se, tódô lolò Jakub yóm deng senfasad le yó hlanen bè boluy Dwata yóm gónón mogot maen Isak.

Tekang Kbuten 32:10

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Tekang Kbuten 32:9

Omin Jakub mni bè Dwata, yó monen, “Ó Dwata, hol hnungolem ou. Uu se Dwata téméu Abraham ne mau Isak. Uu se mdók dou mulék ebè dou benwu ne ebè yó kem dou dumu ne deng fasadem dou se yóm klaen dù hemenu bè yóm kuléku.

Tekang Kbuten 35:1

Yó udél Dwata ebè Jakub, monen, “Ó Jakub, géhéli mili ebè Bétél ne menwuhi bè yó. Budi semsodò botu mò gónóm demsù ebéléu bè yó. Ou se yóm Dwata tehe hegfan béléem bè yóm tehe kehlóyem hlayuk bè twoguhem Iso.”

Tekang Kbuten 35:12

Yóm benwu ni, deng tehe hfunu ke téméem Abraham ne maem Isak, ne ni bud hfunu kóm snéen dalang se yó kem angat semfu gu béléem.”

Tekang Kbuten 35:15

Yó boluyen du yóm benwu yó, Bétél.

Tekang Kbuten 35:17

Timbow deng alì sidek kdesen yóm blututen, yó monen mò du yóm libun mwa ngà, “Béi hlikò, Rakél, bud logi yóm ngaem.”

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Tekang Kbuten 48:3

Yó monen mò ke Jusif, “Ó Ngà, yóm tehe knóu bè Lus bè benwu Kanan, hegfan béléu yóm Dwata laen dù là gbeken du ne wen oluhen dou.

1 Tutul Israél 16:16

Ni se yóm deng tehe senfasad le Abraham, ne bud yó se fasaden ke Isak snéen yóm ngà Abraham.

1 Tutul Israél 16:18

Yó tehe fasaden kul, monen, “Blayu kuy yóm benwu Kanan mò hol kuy nfun.”

Kem Lingón 105:11

Yó tehe fasaden kul, monen, “Blayu kuy yóm benwu Kanan mò hol kuy benwu nfun.”

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kehewà 4:5

Bud mon Dwata mò ke Musis, “Nmoem nim ni lem blóng yó kem tau Israél mò gónó le hemtahu du yóm deng kehegfanen béléem yóm sana kul Dwata hol gónó mogot yó kem tehe fù le Abraham ne Isak ne Jakub.”

Kehewà 6:4

Tehe wen senfasad me. Yó fasadu kul, duhen yóm keblayu du kul yóm benwu Kanan yóm benwu tehe gónó le e milo.

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Amus 7:7

Bud wen hton Dwata dou. Tonu Dwata mdà bè kilil yóm beng deng hlan le bè tuntun yóm tehe kehdà le du. Ne wen tuntun nogoten lanen hménég du ke deng hol tedeng.

Matyu 22:32

‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”

Kul Nmò 7:5

Okóm yóm benwu gónó Dwata e hili ke Abraham ni,” mon Stéfén, “balù udì ke wen tonok blayen du ke mò hol kun. Okóm deng fasad Dwata du yóm klamangen, dalang se yó kem semfu gu béléen. Okóm yóm kdaw kfasad Dwata du ke Abraham nim ni, laen kô deng ngà Abraham he.

Dwata 1:8

Yóm kdê benwu monu ni, ni se yóm tonok deng tehe fasadu yó kem tehe fù ye le Abraham ne Isak ne Jakub ne bè kdê yó kem semfu gu bélê le. Mógów ye etu ne henek ye tahen.’ ” Là gomongen bè nili yóm tsaptér 1:9 efet kól bè tsaptér 3:29. Yó tulónen bè ni kem tsaptér ni yóm ktutul Musis du bè yó kem tau Israél yóm tehe kewót le gu bè Idyip. Ke móyô ye semfala du bè Tboli yóm tulónen, gbek ye semfala du bè ni kem bok nii abay se senged yóm tulón le. Kehewà 18 Kélék le yó kem tau kmukum bélê le Lista Israél 11 Knô le lem yóm benwu laen hol wen tauhen Lista Israél 13 Yó kem tau na a hemkana bè Kanan Lista Israél 14 Ksonol le ke Dwata yó kem tau Israél Lista Israél 20 Là kehlus Dwata ke Musis hlós ebè Kanan Lista Israél 21 Kegmò le bè le Sihun ne Ug Lista Israél 32 Yó kem tau Israél fen menwu fi dmata kdaw Él Jurdan

Dwata 34:4

Omin Dwata mon du mò ke Musis, “Ni se yóm tonok tehe fasadu ke Abraham ne Isak ne Jakub mò angat blayu bè yó kem sfu le. Olohu hton du kóm tahen yóm tonok tu okóm là heflósu kóm etu.”

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.