Tekang Kbuten 28:12 - Udél Dwata: Gna Kesfasad ne Lomi Kesfasad

¹² Bè yóm ktungóen, wen knahen. Knahen aut slikan tahà lemwót bè tonok ne gefet bè longit, ne wen kem hógów Dwata tonen, maut eta ne wen se mnaul elaan.

Tekang Kbuten 28:12 Iomraidhean Croise

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 15:12

Timbow nolunen sdef kdaw, gleket bè Abram yóm tey kengahen tungô. Tódô gnómen yóm tey sidek klikoen lemwót bè yóm tey kget kkifuhen.

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Tekang Kbuten 41:1

Timbow deng bud lewu halayen bè yó, wen kna yóm Faro bè Idyip. Yó knahen, mdà bè kilil yóm tey él bong boluyen Nayl.

1 Bok Kem Tau Hol Geta 19:5

Ominen hlilil bè yó laan yóm ngà koyu yó ne gtungô. Okóm bè yóm igoen tungô, wen hógów Dwata bemtik du, monen mò du, “Btiki ne, Ilaydya, ne mkeni.”

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Danyél 7:1

Bè yóm tanay halay kogot Bélsasar yóm benwu Babilun, wen kna Danyél ne wen hton béléen bè yóm igoen hlilil bè gónón tungô. Gotu snulaten yóm knahen yó ne ni se yóm tonen.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Matyu 1:20

Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Matyu 2:19

Timbow deng matay Hirod, wen bud hógów Dwata gu bè longit na a hegfan bè kna Jusif ditu bè Idyip, monen mò du,

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.