Tekang Kbuten 27:33 - Udél Dwata: Gna Kesfasad ne Lomi Kesfasad

³³ Bè yóm kungol Isak du, ya tey sidek kekkelen ne monen, “Ke uu se Iso, tau du se yóm deng mit utón ebéléu koni? Lomi deng kkenu du gu laanem là deng sut ne deng wen oluhu du koni. Ne hlós kun se yó laen kô dù tul sónen.”

Tekang Kbuten 27:33 Iomraidhean Croise

Tekang Kbuten 25:23

Yó mon Dwata mò du, “Yóm bnututem yó, lewu le. Angat wen lewu but benwu tendo sfohon semfu gu bélê le. Kemgis yóm sotuhen, fen là yóm sotuhen. Yóm twogu angat baling tóbóng lówó yóm twoli.”

Tekang Kbuten 27:35

Yó balà Isak du, monen, “Deng gu bè ni twolihem ne deng snukaten ou. Deng gwahen ne yóm tô oluhu kóm.”

Tekang Kbuten 28:1

Omin Isak htaba ke Jakub ne hnódóhen ne yó monen mò du, “Ó Ngà, hol béi abay myehen bè ni bè kem libun Kanan.

Kem Lingón 55:5

Ya tey sidek klikou, botong setbol kkelu.

Lista 23:20

Yó hmoen do mò fen gel muyag. Yóm Dwata ke wen tau nuyagen, là kô gbeku temles du.

Kun Snulat Jan 10:10

Bong yó dum tau mnagaw, yó se kun gel nógów na a mnagaw, na a hmatay, ne na a gemlà. Okóm yó dou nógów, naw e benlay yu klowil, yóm klowil hol tahu gsengel nawa ye du.

Sulat Pol Ebè Yó Kem Tau Hemtahu Bè Rom 11:29

Yóm Dwata, sok wen tau néléken, ne sok wen tau tnóbóngen, deng duhen yó ne, là kô bud tenlesen du hendemen.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Hibru 11:20

Bè yóm deng ktuha Isak, lemwót bè yóm kehtahuhen du yóm deng fasad Dwata du, yó gónón wen oluhen eta yó kem lewu ngaen Jakub ne Iso bè yóm kul klowil elem hulin kdaw.