Tekang Kbuten 27:28 - Udél Dwata: Gna Kesfasad ne Lomi Kesfasad

²⁸ Dwata he bemlay kóm amù lemwót gu bè longit mò hméfê yóm tonokem anì bong tebasen. Dwata he hol bemlay du kóm yóm mò gel ken ye ne yóm mò gel ninum ye.

Tekang Kbuten 27:28 Iomraidhean Croise

Tekang Kbuten 27:37

Bnalà Isak se, monen, “Deng oluhu du, du gónóm mogot ne gotu le baling tóbóng lówóhen yóm kdê dumuhen setwoli. Deng oluhu du yóm tendo kwen gel kenen ne ninumen. Laen dù bud gmou béléem ne ni, Ngà.”

Tekang Kbuten 27:39

Ne yó mon Isak mò du, “Bong béléem kóm, laen dù amù lemwót bè longit ke hméfê tonokem. Laen dù tonok hyu ke mò nfunem.

Tekang Kbuten 45:18

anì na le e nangay mà le ne yó kem fes lówó le. Blayu kul yóm tonok alì hyu bè ni bè Idyip anì laen dù gónó le élél.

Tekang Kbuten 49:20

Bong ke Asér kun, hono kem hulu mebtes yóm gel tebas yóm kun tonok. Béléen gónón lemwót yó kem ken knóón bè kem tau hol geta.

Tekang Kbuten 49:25

Yóm Dwata gel tmóbóng kóm Jusif, yó se kun Dwata maem, yóm Dwata laen dù là gbeken du, du se yóm gel tmóbóng kóm. Yó tóbóngen kóm, gel hkulónen gu tta gu bè longit ne gel hetbulen yó kem él laan tonok. Tey kehbólen du yó kem ógófem, dalang se yó kem ngaem.

2 Samwél 1:21

Ó kem bulul bè Gilbuwa, hol béen abay wen amù etahem duhen ke kulón. Hol béen abay wen hulu tmowok bè yó. Yakà bè yó du gónón masà yóm klung Sol deng golu, klung yóm tau alì mbegel mit sfatay bè kem hohonen. Laen dù bud hemnolo du ne klungen,

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

1 Bok Kem Tau Hol Geta 5:11

Yó kun balà du Selumun tódô ket halayen bemlay ke Hiram lematu libu abì bong hnok halay ne lematu bud sfolò libu galun hnok hnolo ulib mò hkenen yó kem tauhen.

2 Tutul Israél 2:10

Snukéyu yó kem tauhem mofok koyu lematu libu abì bong msó halay wit, ne bud lematu libu abì halay barli. Snukéyu lu lematu bud sfolò libu galun tifas grép, ne bud lematu sfolò libu galun hnolo ulib.”

Kem Lingón 104:15

Wen se mò gónó le ma tifas grép mò ninum le mò hefligal kul. Ne wen se gónó le ma hnolo ulib mò lunol le bè lówó le. Ne wen se mò gónó le ma ken mò hekgis kul.

Kem Lingón 133:3

Yóm kessotu nawa, lómón kehyuhen lómón yóm amù hméfê yóm bulul Hérmun, ne yóm amù hméfê yó kem bulul bè Sayun. Bè yó kem tau ssotu nawa le yó, bélê le gónó Dwata fmasad du yóm hol hyu, duhen yóm klowil laen dù tul sónen.

Kem Lingón 36:8

Tendo henkenem lu lemwót bè yóm tey ken deng eles nô bè gónóem. Ne gel hinumem kul yó kem kóm él mlel alì hyu bélê le.

Kem Udél Hlalak Tehe Selumun 19:12

Yóm klikò tau du yóm alì ksidek kebut yóm tau hol geta hol lómón klikoen du yóm ngel yóm gel mon le liyun. Okóm yóm kun kehyu nawa ebéléen yóm tau hol geta lómón kehyuhen bè bnes yóm amù.

Kem Udél Hlalak Tehe Selumun 3:20

Bud lemwót bè kun ketngón gónón tendo hlel yó kem él ne yó kem lobun tendo hosok amù e talak tonok.

Isaya 45:8

Angat hewótu bè longit yóm kegmoem, hol lómón ke kulón lemwót bè longit gdek ete tonok ne là se kô gekbê tonok du, ngangen ne tmowok huluhen. Yó huluhen, duhen yóm tilob kwitem yó kem tau ne yóm ktedeng kogotem kukum lem blóng le. Ou se Dwata angat dmohò du ni kem ni.”

Jirimaya 14:22

Laen kô dù bè yó kem dwata kéng ke gbeken hkulón. Balù longit, là kô gbeken du hkulón ete tonok. Són uu, Dwata, ken-gel nawa me yóm hol kum gónó mogot. Tek són uu gembek mò du ni kem hni me béléem ni. Nangat me yóm któbóngem kum.

Juwél 2:19

Yó balaen yóm hni le, monen, “Ngem, bud henwitu yu halay ne tifas grép ne hnolo ulib ne angat tey gsengel nawa ye du. Là bud ye tau gel sendekà yó kem tólóng tau bè dumu benwu.

Mika 5:7

Ominen lemwót yó kem dù mowil bè yó kem tau Israél menwu lem blóng yó kem tólóng benwu, hol lómón kmò le ke amù hwit Dwata ebè yó kem dumu tau, duhen ke kulón mò hméfê bnes. Són Dwata snalig le, là kô le smalig bè tau.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.

Sikaraya 9:17

Ya tey angat klendey mton kul. Angat le kemgis yó kem lomi lemnok, logi duhen libun, lemwót bè yóm tey halay le ne tifas grép le hanà lomi.

Lista 13:20

Ne yóm tonoken, hnénég ye ke mabù huluhen ne ke wen kem koyuhen. Bè yóm khusek ye edu hol hfól ye nawa ye ne bè yóm kulék ye, hol ye mit kut bungu yó kem koyu tmowok bè yó.” (Uma kóm bè yóm kdaw yó, bulón le mbut tógó yó kem bungu grép.)

Sulat Pol Ebè Yó Kem Tau Hemtahu Bè Rom 11:17

Okóm yóm koyu ulib nfun Dwata yó, deng wen hanga kenlengen du ne tugoden du bè yóm hanga koyu ulib tehe nwahen tmowok lem dlag. Yu kem tau là Ju le, hol lómón ke yu yóm koyu ulib lem dlag. Deng ye gomong lembud bè yóm koyu hyu nfun Dwata, duhen yó kem Ju.

Dwata 32:2

Kehlingónu du nim toloku ni, hol lómón ke kulón gdek ete tonok, ne hol lómón ke amù te tonok. Yóm udélu ebélê ye ni, hol lómón ke blanas eta yó kem hulu ne hol lómón ke blanas eta yó kem bnes.

Dwata 33:13

Yó udél Musis gbak ebè yó kem sfu Jusif, monen, “Dwata he hol hkulón du eta yóm tonok le ne wen él hesuten gu laan tonok mò tendo hméfê du.

Dwata 33:28

Yó gónóm mon, menek kbenwu le yó kem sfu Jakub. Gsengel nawa le du yóm tonok le tódô hono hulu tahen, dalang se yó kem grép gónón lemwót yó kem tifas gel ninum le. Yóm tonok le yó, tendo hnéfê yóm amù lemwót gu bè longit.

Dwata 7:13

Yó nmoen bélê ye, kenbong nawahen yu ne tendo tnóbóngen yu ne hbólen yu ne hwenen kem ngà ye snéen. Angat hbunguhen yó kem hulu ye, yóm halay ye ne yóm grép ye ne yóm koyu ulib ye. Angat hwenen yó kem safì ye ne kem ubiha ye snéen. Angat gotu blay Dwata kuy ni kem kdéen ni ke deng ye kól ta yóm tonok blayen kuy, yóm tonok deng tehe fasaden yó kem tehe fù ye mò blayen kuy.

Hibru 11:20

Bè yóm deng ktuha Isak, lemwót bè yóm kehtahuhen du yóm deng fasad Dwata du, yó gónón wen oluhen eta yó kem lewu ngaen Jakub ne Iso bè yóm kul klowil elem hulin kdaw.