Tekang Kbuten 27:2 - Udél Dwata: Gna Kesfasad ne Lomi Kesfasad

² Mon Isak se mò du, “Denge tey tuha ne ni ne móyóne mfu.

Tekang Kbuten 27:2 Iomraidhean Croise

Tekang Kbuten 27:3

Nwahem bohohem nam e dmulok dou lem bnes.

Tekang Kbuten 47:29

Bè yóm kdaw móyón katayen htabahen Jusif, yóm ngaen ne monen mò du, “Ó Ngà, suem lem blóng hahahu henmuem safaem béléu yóm là kebengem dou bè ni bè Idyip.

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Kem Udél Hlalak Tehe Selumun 27:1

Béem salù yóm angat nmoem e lem haya, là kô tngónem du ke tedu angat kmoen.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Mark 13:35

Senged se kuy,” mon Jisas, “hol ningat ye se kuy abay se là tngón ye du kkólen yóm fun gónô, ke deng sdef kdaw kkólen, duhen ke sóól buteng, duhen ke móyón mwas, duhen ke deng btù mata kdaw.

Sulat Jim 4:14

Hatan monem he ke deng tonem. Yakem eles tngónem yóm elem haya. Le hilu he kegenen mowil tau. Lómón ke kebel, tek likóten mbel, sana bud tódô kmanas.

1 Samwél 20:3

Ominen wen safà mget nmò Dabid bè Junatan, monen, “Tngón maem yóm tey klinggel keswè te, kaem yó mon nawan, ‘Là kô tulónu du ke Junatan nim ni, déke sidek kegnómen du.’ Okóm tulónu kóm ktahuhen, smafae béléem ne gungol yóm Dwata là matayen, denge tey moni ne bè hatay.”