Tekang Kbuten 27:19 - Udél Dwata: Gna Kesfasad ne Lomi Kesfasad

¹⁹ Bnalà Jakub se, monen, “Isohe, yóm ngaem twogu. Deng nmou yóm hmoem dou. Nam btik dé mà, kenem yóm utón deng nwitu ebéléem anì noluhem ou kedeng.”

Tekang Kbuten 27:19 Iomraidhean Croise

Tekang Kbuten 25:25

Yóm ngà gna sut, mló hulô ne yóm kuliten hol lómón yóm nes nbul. Ne yó gónó le moluy du Iso.Ne yóm ngà huli sut, yó nmoen bè yóm ksuten hen-get nogoten teked yóm ngà gna sut. Ne yó gónó le moluy du Jakub.

Tekang Kbuten 25:28

Yóm ngà kun kenbong nawa Isak, duhen Iso, abay se tey móyô mken du yó kem utón dnuloken. Okóm ke Ribika kun, kenbong nawahen Jakub.

Tekang Kbuten 27:18

Omin Jakub yó mógów ebè maen ne monen mò du, “Ó Mà.” Mon maen se, “Hó. Ngà kóm de?”

Tekang Kbuten 27:21

Yó mon Isak mò ke Jakub, “Yake hlonihi dou edini anì nigófu uu. Holi tahu Iso kô?”

Tekang Kbuten 27:31

Bud tnógóhen se kun yóm utón alì mnóm, ominen mkay du ebè maen. Yó monen mò du, “Ó Mà, nam btik dé, nam ken yóm utón nwitu ebéléem anì noluhem ou.”

Tekang Kbuten 27:35

Yó balà Isak du, monen, “Deng gu bè ni twolihem ne deng snukaten ou. Deng gwahen ne yóm tô oluhu kóm.”

Tekang Kbuten 27:4

Tnógóhem dou yóm utón alì mnóm béléu, ominem mit du edini béléu. Ke deng deng kkenu du, wen oluhu kóm gu laanu là deng matay.”

Tekang Kbuten 27:45

ne klifóten yóm deng nmoem béléen. Ke deng klifóten angat wen hógówu edyó mò mangay kóm. Là kô gbeku hembala du ke tódô lana béléu yó kem lewu ngau bè yóm sotu kdaw.”

1 Bok Kem Tau Hol Geta 13:18

Okóm yó balaen du yóm tugod Dwata deng tuha yó, monen, “Tugode Dwata se do, lómón yóm kóm. Deng wen tulónen do yóm hógów Dwata, monen, ‘Nwitem ebè gónóem yóm tau Dwata anì henkenem ne hinumem él.’ ” Okóm kéng yóm tulónen yó.

1 Bok Kem Tau Hol Geta 14:2

Yó gónó Jirubuam mon du mò ke yehenen, “Hlinguhi kut libun hkawang anì laen dù dmilô kóm kehi libun boi. Ominem mógów ebè yóm tugod Dwata bè Silu boluyen Ahidya yóm tau tehe tmulón du do yóm kbalingu tau hol geta.

Isaya 28:15

Tey kehegmón ye du yóm deng keskotuk ye bè yóm hatay kun, anì là matay ye. Deng ye se skotuk yóm benwu yó kem tau deng matay kun, anì là gógów ye edu. Ofo kuy ke laen dù gmoen bélê ye yó kem tau mundug kuy. Són snalig ye yóm kéng ne sukat mò tô gónó ye gewà. Okóm là.