Tekang Kbuten 26:31 - Udél Dwata: Gna Kesfasad ne Lomi Kesfasad

³¹ Timbow hol hlafus bè yó, omin le sfasad mung du safà le. Bè yóm deng gotu keskas le bè yó, deng le gotu bud baling swè.

Tekang Kbuten 26:31 Iomraidhean Croise

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Tekang Kbuten 19:2

ne monen mò kul, “Ó kem Sér, ke yó dum hyu bélê ye, na ye mung dou ebè gónô. Na ye holob ti ye bè yó ne tungô ye bélê me. Hlafus haya he kehlós ye.” Okóm yó balà le du, mon le, “Bayaem ne, bè ni ne gónó me tungô bè plasa.”

Tekang Kbuten 21:14

Hlafus hayahen bè yó, hewót Abraham Hagar lewu le yóm ngaen. Wen ken hebnotuhen du ne hesléhen du yóm sning kulit ógóf hnok él. Ngang le mógów efet le tódô tabag tmimbul lem yóm benwu là hyu menwu du boluyen Birsiba.

Tekang Kbuten 21:23

Yó nógów me ebéléem ni, hyu ke smafai bélê me bè ni bè solu Dwata. Hol safaem dou yóm là ksukatem dou dalang se yó kem ngau ne yó kem angat bólu. Duhen ni, bè yóm knóem lem blóng me, tey gel kfihu kóm. Dalang se kóm, smafai béléu bè yóm kfihem dou dalang se nim benwuhu gónóm nô ni.”

Tekang Kbuten 21:27

Ominen yó, wen kem ubiha ne kem safì blay Abraham ke Abimélék, mò hemblat du yóm deng kesfasad le.

Tekang Kbuten 22:3

Tahu se, hol hlafus bè yó, wen koyu nsô Abraham mò snuken yóm hedsù Dwata du. Ominen lemulón du ta yóm kudà asnu ne niten Isak. Ne wen lewu bè yó kem gel tóbóng lówóhen bud nwiten. Mógów le ebè yóm benwu deng tulón Dwata du.

Tekang Kbuten 25:33

Ne yó bud mon Jakub mò du, “Nahem smafà dou dé bè yóm keblayem du dou yóm kóm kwalis bè ketwogu.” Tahu se, smafà Iso ne blayen ke Jakub yóm kun kwalis bè ketwogu.

Tekang Kbuten 26:32

Bè yóm kdaw yó, sut se yó kem tóbóng lówó Isak ne tulón le ke Isak yóm kokol lomi nokol le, mon le, “Deng wen él ton me.”

Tekang Kbuten 31:44

Yó dé hyu ke sfasad te. Smuduk te botu mò gónó te hemtulón du nawa yóm deng kesfasad te.”

Tekang Kbuten 31:55

Ne hol hlafus bè yó, gotu nelek Laban lu yó kem téméen ne yó kem ngaen libun, ominen mbal kul ne mulék ebè benwuhen.

Hibru 6:16

Bè tau kun, ke gel mò fasad, sal gel smafà bè boluy yóm geta sentahen, duhen Dwata. Ne ke yó nmoen ke wen senkukum le, laen kô dù sfuhen yóm keskukum le yó, abay se deng hlanen bè boluy Dwata.

1 Samwél 14:24

Bè yóm kdaw kesgida le yó, gotu le lenmek yó kem tau Israél lemwót bè yóm alì kbitil le lan Sol deng smafà, monen, “Ke wen tau mken kemdaw ni gu laanu là deng gotu meles yó kem hohonu, hol matay yóm tau yó.” Yó gónóm mon, botong sendaw le là mken

1 Samwél 20:3

Ominen wen safà mget nmò Dabid bè Junatan, monen, “Tngón maem yóm tey klinggel keswè te, kaem yó mon nawan, ‘Là kô tulónu du ke Junatan nim ni, déke sidek kegnómen du.’ Okóm tulónu kóm ktahuhen, smafae béléem ne gungol yóm Dwata là matayen, denge tey moni ne bè hatay.”

1 Samwél 30:15

Ne yó mon Dabid mò du, “Gbekem kô mit do ebélê le ni kem tau mundug ni?” Yó balaen du yóm tau yó, monen, “Nwitu u ebélê le, okóm holi smafà do mlan bè boluy Dwata, hol béem abay hnatay ou duhen ke hulékem ou ebè yóm ogotu.”