Tekang Kbuten 26:28 - Udél Dwata: Gna Kesfasad ne Lomi Kesfasad

²⁸ Bnalà le se, mon le, “Yó nógów me ebéléem ni, abay se deng tngón me yóm eles tendo knóen béléem Dwata. Deng hendem me, hyu ke wen senfasad tekuy mung du safà. Yó nóyô me ni ke holi smafà bélê me.

Tekang Kbuten 26:28 Iomraidhean Croise

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 24:41

Tek sotu gónóm gewà bè yóm deng ksafaem béléu. Ke mógówi ebè yó kem dou kwen, ne là hlus le du kóm yóm nógówem ebélê le, gewai lemen yóm safaem yó.’

Tekang Kbuten 31:44

Yó dé hyu ke sfasad te. Smuduk te botu mò gónó te hemtulón du nawa yóm deng kesfasad te.”

Tekang Kbuten 39:3

Tódô dilô yóm amohen yóm tendo knô Dwata bè Jusif ne yó gónón hyu uléken bè yóm ket gel nmoen bè yóm amohen.

Tekang Kbuten 39:5

Lemwót bè yóm knô Jusif bè yó, tey któbóng Dwata du yóm tau Idyip gónóhen nô, gomong yó kem tau nogoten ne kdê yó kem ngom lem gónóen kkólen bè yó kem huluhen.

2 Tutul Israél 1:1

Yóm Selumun ngà Dabid, tey mbegel kogoten du yóm benwu Israél, abay se tendo nô béléen Dwata yóm kun Dwata hol gónó mogot, ne tey kehfasangen du.

2 Tutul Israél 15:9

Omin Asa gotu semtifun kul yóm kdê tau bè Juda ne Bindyamin, gomong yóm kdê tau bè Ifraim ne bè Manasi ne bè Simyun deng menwu lem blóng le. Tey dê tau lemwót bè Israél fi bwak mili ebè Juda bè yóm kton le du yóm knô Dwata bè Asa yóm kun Dwata hol gónó mogot.

Isaya 45:14

Yó udél Dwata ebè yó kem tau Israél, monen, “Angat blayu kuy yó kem kendengen yó kem tau Idyip ne yó kem tau Sudan. Tódô le baling hesek bélê ye yó kem tau lembang tahà bè benwu Siba. Tódô le huli kuy, igò le kendina. Ne mtud le bukol bè solu ye, yó mon le, ‘Tahu Dwata yóm nô bélê ye, laen kô dù dumu dwata, són du.

Isaya 60:14

Yó kem ngà logi yó kem tau tehe hemgnok kóm, angat le mógów ebéléem na le e heglaan béléem, yó se mò lan le hol hegfan du yóm kadat le kóm. Kdê yó kem tau tehe kemhisik kóm, angat tey keheglaan le béléem. Yó angat boluy le kóm, ‘Syudad Dwata.’ Sotu bud kboluy le kóm, ‘Sayun, syudad yóm kul Dwata yó kem tau Israél yóm Dwata laen dù belenen.’

Isaya 61:6

Yó angat boluy le kuy, kem tau mò blóng ebè Dwata ne kem tau tóbóng lówó Dwata. Angat tey kehyu nawa ye du kuy yó kem kendengen lemwót bè dumu benwu, tey kegsengel nawa ye mfun du.

Isaya 61:9

Angat le tey tótól bè yó kem dumu benwu. Ket tau mton kul, tódô tngón le lu se yó kem dou tau tnóbóng.”

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

1 Kurin 14:25

Ne angat gotu benkasen lem blóng ye yóm kun kehedem tehe gel bunihen bè tau, ne angat tódô hegluduk, ne dóyónen Dwata, yó udélen, “Tahu nô lem blóng ye bè ni Dwata.”

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Hibru 6:16

Bè tau kun, ke gel mò fasad, sal gel smafà bè boluy yóm geta sentahen, duhen Dwata. Ne ke yó nmoen ke wen senkukum le, laen kô dù sfuhen yóm keskukum le yó, abay se deng hlanen bè boluy Dwata.

Juswa 3:7

Yó udél Dwata ebè Juswa, monen, “Yóm nmou bélê ye kemdaw ni, mò gónó le madat kóm yó kem tau Israél mò tau malak kul. Ne bè yó gónó le dmilô du yóm knóu béléem lómón yóm tehe knóu bè Musis.

1 Samwél 11:1

Timbow móyónen sbulón bè yó lemwót Nahas yóm tau hol geta bè benwu Amun, nalaken yó kem sendaluen na le e nundug yó kem tau Israél nô bè syudad Jabis glem lem Gilyad. Okóm yó kem tau Israél menwu bè Jabis hkodu le bè Nahas, mon le mò du, “Miti sbilà bélê me anì mogot me béléem.”

1 Samwél 18:28

Timbow dilô Sol yóm alì knô Dwata bè Dabid ne yóm tey kbong nawa Mikal du,