Tekang Kbuten 26:25 - Udél Dwata: Gna Kesfasad ne Lomi Kesfasad

²⁵ Omin Isak yó semsodò botu mò gónón demsù ebè Dwata ne tmaba ebéléen. Ne bè yó gónón bud kmamfù ne bud le mokol kokol bè yó se yó kem tau tóbóng lówóhen.

Tekang Kbuten 26:25 Iomraidhean Croise

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 13:4

bè yóm benwu tehe gna gónón semsodò yó kem botu mò gónón demsù ebè yóm sana Dwata hol gónó mogot. Yóm kkólen bè yó, bud tmaba ebè Dwata.

Tekang Kbuten 22:9

Timbow le kól bè yóm benwu deng tulón Dwata ke Abraham, omin Abraham semsodò yóm botu mò gónón demsù, ne senfótólen tahen yó kem koyu nwiten. Ominen mfét ke Isak ne hlasaen ta yó kem koyu deng senfótólen yó.

Tekang Kbuten 26:32

Bè yóm kdaw yó, sut se yó kem tóbóng lówó Isak ne tulón le ke Isak yóm kokol lomi nokol le, mon le, “Deng wen él ton me.”

Tekang Kbuten 33:20

Omin Jakub semsodò botu bè yó mò gónón demsù ebè Dwata. Yó boluyen du yóm gónón demsù yó, Él Élohi Israél. Yó lanen, “Alì gembek yóm kun Dwata Israél.”

Tekang Kbuten 35:1

Yó udél Dwata ebè Jakub, monen, “Ó Jakub, géhéli mili ebè Bétél ne menwuhi bè yó. Budi semsodò botu mò gónóm demsù ebéléu bè yó. Ou se yóm Dwata tehe hegfan béléem bè yóm tehe kehlóyem hlayuk bè twoguhem Iso.”

Tekang Kbuten 4:26

Bud mngà se ke Sét, duhen Inus. Bè yóm kdaw yó, nbut le ne tmaba ebè Dwata yó kem tau.

Tekang Kbuten 8:20

Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

Kem Lingón 116:17

Angat wen dsuu ebéléem mò gónóhu slamat béléem, hmungu du yóm tey kdóyónu kóm.

Kehewà 17:15

Ne wen botu sensodò Musis mò gónón demsù ne yó boluyen du, “Yóm sana kum Dwata hol gónó mogot fen hegmò kum.”