Tekang Kbuten 26:22 - Udél Dwata: Gna Kesfasad ne Lomi Kesfasad

²² Yó bud nmò Isak, bud hlayuk bè yó ne bud mokol dumu kokol. Laen dù bud mled du ne yóm kokol bud nokolen yó. Ne yó boluy Isak du, “Laen dù hemseng kum.” Yó monen, “Deng wen lan nmò Dwata anì laen dù hemseng tekuy bè yóm kut kbenwu bè ni ne gónón angat wen gendeng tekuy.”

Tekang Kbuten 26:22 Iomraidhean Croise

Tekang Kbuten 17:6

Angat tey kehbólu kóm ne wen bè yó kem bólem yó baling tau hol geta. Ne tey kbólem efet tey dê kay but tau semfu gu béléem.

Tekang Kbuten 26:21

Omin le tódô bud mokol tólóng kokol yó kem tau tóbóng lówó Isak ne bud wen mled du snéen. Yó bud boluy Isak du yóm kokol yó, “Sfohon.”

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Tekang Kbuten 41:52

Yó bud monen, “Deng benlay Dwata ou ngà bè nim benwu gónóhu glayam.” Ne yó gónón moluy du Ifraim yóm gewu ngaen.

Kem Lingón 118:5

Bè yóm alì sidek kegnómu du, tmabahe ebè Dwata. Tahu se, bnalaen o, ne lenwaen ou.

Kem Lingón 119:32

Ke tnóbóngem ou, hotuhu gelu lemolò du yó kem hlauhem,

Kem Lingón 18:19

Nwiten ou ebè yóm gónón laen dù hemenu. Lenwaen ou, abay se maan nawahen béléu.

Kem Lingón 4:1

Ó Dwata yóm gel mfi dou. Hol bnalaem ou bè yóm ktabahu ebéléem. Kóhem dou yóm gónón sidek kegnómu du. Hol knoduhem ou, ne hnungolem dou yóm hnihu.

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Isaya 54:2

Hol bud tnugodem he yóm gónóem anì lamang ne hol hbegelem heheken.

Isaya 54:3

Bud lebétem du yóm gu hilol kililen. Bud tódô nwa yó kem tauhem yóm kul tonok deng nô lem hólól yó kem tólóng tau. Yó kem syudad deng tehe tnagak le, tódô bud henok tau.