Tekang Kbuten 26:14 - Udél Dwata: Gna Kesfasad ne Lomi Kesfasad

¹⁴ Lemwót bè yóm tey kwen ubihahen ne safien ne tey dê tau tóbóng lówóhen, deng mom mélés nawa le du yó kem Flistin.

Tekang Kbuten 26:14 Iomraidhean Croise

Tekang Kbuten 12:16

Lemwót bè Saray gónón alì hyu knawa Faro ebè Abram. Yó gónón bemlay du yó kem tey ubiha ne yó kem kambing ne yó kem safì ne yó kem kudà asnu ne yó kem hesek ne yó kem kamél.

Tekang Kbuten 13:2

Nim Abram ni, tey wen kendengenen. Tey wen ubihahen ne kambingen ne safien ne wen se tahu blówónen ne blówón bukayen.

Tekang Kbuten 24:35

Tey deng bong któbóng Dwata du yóm gónóhu mogot yó ne deng henbalingen tau bong kendengenen. Tey wen ubihahen ne kambingen ne safien. Wen se tahu blówónen ne wen se blówón bukayen. Ke bè kem heseken, wen se kem hesek logihen ne wen se kem hesek libunen. Tey wen se kem kamélen ne tey wen se kem kudà asnuhen.

Tekang Kbuten 25:5

Yóm kdê kendengen Abraham gotu tebelen lu bè Isak, yóm ngaen bè Sara.

Tekang Kbuten 37:11

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

Job 1:3

Botong hitu libu ubihahen ne tlu libu kamélen ne lemibu safien ne limu latu kudà asnu libunen. Tey wen kem tau mò nmò béléen. Bè ktahuhen, bè kdê yó kem tau menwu fi dmata kdaw, du se yóm alì wen kendengenen bélê le.

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Kem Lingón 112:3

Wen tey kendengen le ne laen kô dù kmifót du yó kem hyu gel nmò le.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

1 Samwél 18:9

Nbuten bè yó ne yóm tendo kélés nawa Sol ke Dabid.