Tekang Kbuten 26:12 - Udél Dwata: Gna Kesfasad ne Lomi Kesfasad

¹² Bè yóm knô Isak bè yó bè Girar, wen tey hulu nmoen. Lemwót bè yóm gel któbóng Dwata du tey bong yóm gel tebasen botong lematu bud gel ulék yóm huluhen.

Tekang Kbuten 26:12 Iomraidhean Croise

Tekang Kbuten 24:1

Deng tey tuha ne Abraham ne tey tendo gel któbóng Dwata du bè ket yó kem gel nmoen.

Tekang Kbuten 24:35

Tey deng bong któbóng Dwata du yóm gónóhu mogot yó ne deng henbalingen tau bong kendengenen. Tey wen ubihahen ne kambingen ne safien. Wen se tahu blówónen ne wen se blówón bukayen. Ke bè kem heseken, wen se kem hesek logihen ne wen se kem hesek libunen. Tey wen se kem kamélen ne tey wen se kem kudà asnuhen.

Tekang Kbuten 25:11

Kogol yóm katay Abraham, tey któbóng Dwata ke Isak ne bè yó gónó Isak nô moni bè yóm kokol boluy le du, “Kokol yóm Dwata mowil yóm mton dou.”

Tekang Kbuten 26:29

Hol béi abay mò sidek bélê me hulin kdaw. Hol lómón yóm tehe kum nmò béléem ekni, laen kô dù sidek nmò me béléem. Tey hyu yóm tehe kum nmò béléem, tódô menek kehewót me kóm. Ne ni, tódô tngón me yóm deng tey któbóng Dwata kóm.”

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Kem Lingón 67:6

Deng tey bong ne yóm nuta tekuy. Tey kuyagen tekuy yóm kut Dwata.

Kem Lingón 72:16

Yake hol hmalay dé yóm tonok bè yóm benwu knamalen, kkólen bè yó kem bulul leneken, yake tódô tfeng hulu. Lómón kehyuhen, lómón yóm tonok gónó le gel mò hulu bè benwu Libanun. Ne yó kem syudad knamalen, yake tódô hnok tau lemen, lómón kwen le, lómón yó kem bnes tmowok.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Kehedem Tau Tmolok 11:6

Holi heged mulu yóm kdê kay hulu, là kô tngónem du ke mahi du tmowok bélê le, duhen ke tódô kdê le gotu tmowok.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.

Matyu 13:23

Okóm yóm bnék gdek ebè gónón hyu tonok, hol lómón ke yó kem tau hmungol du yóm Udél Dwata, ne glileb le. Tey kbungu le kul, wen se mungu lematu, ne wen se mungu nem folò, ne wen se tlu folò.”

Matyu 13:8

Okóm wen se sohulen gdek ebè gónón hyu tonok. Timbow gefet, ya tey kfól bunguhen. Wen se kanguyen mungu lematu, wen se mungu nem folò, wen se mungu tlu folò.”

Mark 4:8

Okóm wen se sohulen gdek ebè yóm gónón hyu tonok, tey hyu ktowoken ne temlê ne tey mungu. Wen se kanguyen mungu tlu folò, ne wen se mungu nem folò ne wen se mungu lematu.”

1 Kurin 3:6

Ke hningónu yóm nmò me lem blóng ye, lómón ke ou yóm tau fen mò hulu, ne Apulus fen temwél du él. Okóm Dwata fen htowok du.