Tekang Kbuten 25:33 - Udél Dwata: Gna Kesfasad ne Lomi Kesfasad

³³ Ne yó bud mon Jakub mò du, “Nahem smafà dou dé bè yóm keblayem du dou yóm kóm kwalis bè ketwogu.” Tahu se, smafà Iso ne blayen ke Jakub yóm kun kwalis bè ketwogu.

Tekang Kbuten 25:33 Iomraidhean Croise

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 25:32

Mon Iso se, “Yó sen. Tedu tô muhu du yóm dou kwalis yó ke mohe mom matay lemnus?”

Tekang Kbuten 25:34

Omin Jakub yó bemlay du mambang ne sóbów. Mken Iso ne minum, ominen yó bud lemwót. Yó se tehe kmò kehluda Iso du yóm kun kwalis bè ketwogu.

Tekang Kbuten 27:1

Deng tey tuha ne Isak, lelen butô. Sotu kdaw bè yó, htabahen Iso yóm ngaen twogu ne monen mò du, “Ó Ngà.” Bnalà Iso se, monen, “Yó du, Mà.”

Tekang Kbuten 27:32

Bnalà Isak, monen, “Tau kóm de?” Mon Iso se, “Ou se Iso, yóm ngaem twogu.”

Tekang Kbuten 27:36

Mon Iso se, “Deng gewuhen dulék ni ne smukat dou. Kô mon se ke boluyen Jakub. Bè yóm gnan, deng nwahen yóm dou kwalis bè ketwogu ne ni bud nwahen yóm dou olu. Tey, Mà, laen dù bud oluhem dou ne kô?”

Mark 6:23

Gloken smafà béléen he, monen, “Balù doli nim benwu nogotu, ke hnihem béléu, botong blayu kóm.”

Hibru 12:16

Hol ye temgama anì laen dù bélê ye mò samuk duhen ke smonol ke Dwata, lómón yóm tehe nmò Iso. Lemwót bè yóm ketwoguhen, hol mlan béléen yóm tehe fasad Dwata yó kem fuen, okóm deng mom snonolen. Tódô hbaluen bè twolihen yóm kwalisen twogu bè yóm ken geblà bè sulék kken.

Hibru 6:16

Bè tau kun, ke gel mò fasad, sal gel smafà bè boluy yóm geta sentahen, duhen Dwata. Ne ke yó nmoen ke wen senkukum le, laen kô dù sfuhen yóm keskukum le yó, abay se deng hlanen bè boluy Dwata.