Tekang Kbuten 25:30 - Udél Dwata: Gna Kesfasad ne Lomi Kesfasad

³⁰ Yó monen mò ke Jakub, “Tey deng sidek kbitilu ni, henkenem ou dé yóm hulô tnógóhem yóó.” (Yó se but gónó le miba ke Iso Idom, hulô.)

Tekang Kbuten 25:30 Iomraidhean Croise

Tekang Kbuten 25:29

Sotu kdaw yóm igò Jakub tolo tmógó sóbów blangul, kól dmulok se Iso, tey sidek kbitilen.

Tekang Kbuten 25:31

Bnalà Jakub se, monen, “Blayu kóm nim ni ke blayem dou yóm kóm kwalis bè ketwogu.”

Tekang Kbuten 32:3

Wen kem tau hógów Jakub tukô gna ebè yóm twoguhen Iso nô bè benwu Idom.

Tekang Kbuten 32:4

Yó hlauhen kul, monen, “Ni hol tulón ye yóm gónóhu mogot Iso, mon ye, ‘Yó gónón là géhél gulék Jakub yóm tau tóbóng lówóhem abay se tódô nô bè mà dì ye Laban. Ne ni se yóm bang kuléken.

Tekang Kbuten 36:1

Ni se tutul yó kem sfu Iso (yóm bnoluy le kem tau Idom).

Tekang Kbuten 36:19

Yó se yóm kdê tbong Iso (yóm bnoluy le Idom).

Tekang Kbuten 36:43

ne Magdiyél ne Iram. Yó se boluy yó kem tbong Iso yóm gónó le gu semfu yó kem tau Idom. Ket tonok gónó le nô bè yó lem Idom, sal ulit le bè boluy yó kem gónó le gu tembong.

Tekang Kbuten 36:8

Duhen yó, ditu gónó Iso nô bè yó kem bulul lemnek bè Sér. (Yóm Iso, du se Idom.)

Tekang Kbuten 36:9

Ni se boluy yó kem ból Iso, yóm tau gónó le gu semfu yó kem tau Idom menwu bè yó kem bulul lemnek bè Sér.

Kehewà 15:15

Ne tey sidek klikò le se kul yó kem tau mogot bè Idom. Ne yó kem tau alì lóbô bè Muab tey kkel le. Ne yó kem tau menwu bè Kanan laen dù bud klóbô le.

Ubadaya 1:1

Ni se htonen ke Ubadaya, yóm Dwata hol dandónen geta, gbak ebè benwu Idom. Deng gungol tekuy yóm tulón lemwót bè Dwata, duhen yóm kwen tau hógówen mò eles tmulón du bè yó kem tólóng benwu yóm udélen, monen, “Yóm kdéen tau eles ye htigel. Sentifun tekuy kem sendalù tekuy na tekuy e nundug yóm benwu Idom.”