Tekang Kbuten 25:29 - Udél Dwata: Gna Kesfasad ne Lomi Kesfasad

²⁹ Sotu kdaw yóm igò Jakub tolo tmógó sóbów blangul, kól dmulok se Iso, tey sidek kbitilen.

Tekang Kbuten 25:29 Iomraidhean Croise

Tekang Kbuten 25:30

Yó monen mò ke Jakub, “Tey deng sidek kbitilu ni, henkenem ou dé yóm hulô tnógóhem yóó.” (Yó se but gónó le miba ke Iso Idom, hulô.)

Tekang Kbuten 25:34

Omin Jakub yó bemlay du mambang ne sóbów. Mken Iso ne minum, ominen yó bud lemwót. Yó se tehe kmò kehluda Iso du yóm kun kwalis bè ketwogu.

2 Bok Kem Tau Hol Geta 4:38

Timbow mulék ebè Gilgal Ilaysa, tódô glohen yóm tey bitil bong bè yó. Yóm igò le myón bè soluhen yó kem lumbuk tugod Dwata, yó mon Ilaysa mò yóm tau tóbóng lówóhen, “Suem ta kótóng yóm kuleng bong, tmógóhi sóbów bè ni kem tugod Dwata nii.”

2 Bok Kem Tau Hol Geta 4:39

Wen sotu bè yó kem tugod Dwata yó mógów ebè gónó le mò hulu nan mebel lemnaw. Wen tonen hulu lemfà, ominen ma bunguhen, ne nwiten mulék yóm gbeken. Bè yóm kkólen ta, heneken, ominen mbol du bè yóm sóbów tnógó le, okóm là kô tngónen du boluyen yóm nwahen yó.

Kem Udél Hlalak Tehe Selumun 13:25

Sal gel gsengel kkenen yóm tau tedeng kmoen, okóm yóm tau gel mò sidek són moen bitil.

Hagay 2:12

Mò kmoen ke wen bélê ye wen nahen bè yóm utón deng dsuen ebéléu ne bensongen nesen yóm utón deng mólós yó. Mò kmoen ke wen mambang gónón gló duhen ke ken duhen ke ninum duhen ke tóbô kihu bè yó kem dumu kay gel ken le? Gomong mólós kô yóm gónón gló yó?” Timbow snólók Hagay bè yó kem tau gel demsù ebè Dwata yóm sólók yó, yó balà le du, mon le, “Là, là kóen mólós.”

1 Samwél 14:28

Okóm wen sotu tau mton du ne monen mò du, “Deng wen safà maem yó kem sendalù mung du, monen, ‘Ke wen tau mken kemdaw ni, hol matay.’ Yó se gónó le gotu lenmek yó kem tau lan le bitil.”

1 Samwél 14:31

Bè yóm kdaw yó, là kô le gemmò yó kem Flistin. Ngang kem tau Israél kemtes hmatay kul lenwót le bè yó bè Mikmas efet kól etu bè Adyalon. Sónmoen temnù kemek yó kem tau Israél lemwót bè yóm tey sidek kbitil le.